Chiranjeevi : వాల్తేరు వీర‌య్య వంటి సూపర్ హిట్ చిత్రం త‌ర్వాత చిరంజీవి న‌టించిన చిత్రం భోళా శంకర్. మెహ‌ర్ ర‌మేష్ ద‌ర్శ‌క‌త్వంలో తెర‌కెక్కిన ఈ చిత్రం ఆగస్ట్ 11న ప్రేక్ష‌కుల ముందుకు రానుంది.. తమిళ సూపర్ హిట్ మూవీ ‘వేదాళం’ సినిమాకి రీమేక్ గా ఈ సినిమా రూపొందుతోంది. ఈ సినిమాను ఎ.కె.ఎంట‌ర్‌టైన్మెంట్స్ బ్యాన‌ర్‌పై రామబ్రహ్మం సుంకర నిర్మిస్తున్నారు. ఇప్పటికే బిజినెస్ డీల్స్ కూడా పూర్తయ్యాయని.. నైజాం ఏరియాలో ఈ సినిమాకు 32 కోట్ల రూపాయల బిజినెస్ జరిగిందనే సమాచారం బయటకొచ్చింది. రైట్స్ విషయంలో భోళా శంకర్ దర్శక నిర్మాతలు తగ్గదే లే అన్నట్లుగా డిమాండ్ చేస్తున్నట్లు ఇన్ సైడ్ టాక్.
ఇక సినిమాపై భారీ అంచనాలు పెంచేందుకు మేక‌ర్స్ ప్రమోష‌న‌ల్ కార్య‌క్ర‌మాలని కూడా వేగ‌వంతం చేస్తున్నారు. రీసెంట్‌గా భోళా శంకర్ షూటింగ్ స్టిల్స్ ని చిత్ర యూనిట్ రిలీజ్ చేసింది. ఈ షూటింగ్ స్టిల్స్ ప్రస్తుతం సోషల్ మీడియాలో వైరల్ అవుతున్నాయి. ఈ స్టిల్స్ లో చిరంజీవి యమ స్టైలిష్‌గా కనిపిస్తున్నాడు.మ‌రోవైపు చిరంజీవి ఓ ఇంట‌ర్వ్యూ ఇవ్వ‌గా ఇందుకు సంబంధించిన వీడియో కూడా సోషల్ మీడియాని షేక్ చేస్తుంది. వీడియొలో ప‌వ‌న్ క‌ళ్యాణ్ ని ఇమిటేట్ చేయ‌డం గురించి శ్రీముఖి అడుగుతుంది. అప్పుడు చిరు మాట్లాడుతూ.. నాకు కొడుకు లాంటి వాడు. పుత్సోత్సాహం ఎలా ఉంటుందో ప్ర‌త్యేకంగా చెప్ప‌న‌క్క‌ర్లేదు.
మెహ‌ర్ ర‌మేష్ నాకు ప‌వ‌న్ క‌ళ్యాణ్ మేనియా గురించి సినిమాలో పెడ‌దామంటే ఏ మాత్రం ఆలోచించ‌కుండా ఓకే అన్నాను అని చిరంజీవి అన్నారు. భోళా శంకర్ సినిమాలో శ్రీముఖి చిరంజీవికి మధ్య కొన్ని కామెడీ సన్నివేశాలు ఉంటాయట. ఈ సినిమాలో చిరంజీవి సరసన తమన్నా హీరోయిన్ గా నటిస్తుండగా.. కీర్తి సురేష్‌ చిరుకు చెల్లెలుగా కనిపించనుంది. ఇప్పటికే విడుదలైన భోళా శంకర్ పోస్టర్స్, వీడియోస్ సినిమాపై అంచనాలు పెంచాయి. భోళా శంకర్ సినిమాలో చిరంజీవితో పాటు అక్కినేని కాంపౌండ్ హీరో సుశాంత్ కూడా నటిస్తున్నారు. సినిమా మాత్రం ప్రేక్ష‌కుల‌కి పిచ్చెక్కించేలా ఉంటుంద‌ని తెలుస్తుంది.
