Allu Arjun : జాతీయ ఉత్తమ నటుడిగా అవార్డు వరించడంతో అల్లు అర్జున్ పేరు ఇప్పుడు తెగ మారుమోగిపోతోంది. తెలుగు సినీ చరిత్రలో తొలిసారి ఉత్తమ జాతీయ నటుడి అవార్డుకు ఎంపికై సరికొత్త రికార్డు సృష్టించారు బన్నీ. దీంతో అల్లు అర్జున్ పై సర్వత్రా ప్రశంసలు కురుస్తున్నాయి. 69 ఏళ్లుగా ఉత్తమ నటుడి అవార్డ్ కోసం తెలుగు నటులు ఎంతో ఆసక్తిగా ఎదురు చూస్తుండగా, ఆ అరుదైన గౌరవం బన్నీకి చేరింది. ఆయన నటించిన పుష్ప సినిమాకుగానూ జాతీయ ఉత్తమ నటుడిగా అవార్డ్ గెలుచుకున్న సంగతి తెలిసిందే. దీంతో దేశవ్యాప్తంగా బన్నీకి శుభాకాంక్షలు వెల్లువెత్తుతున్నాయి.
నేషనల్ బెస్ట్ యాక్టర్ గా బన్నీకి అవార్డ్ రావడంతో ఇటు అల్లు ఫ్యామిలీతోపాటు మెగా కుటుంబంలోనూ సంతోషాలు వ్యక్తమవుతున్నాయి. జాతీయ ఉత్తమ నటుడిగా అవార్డ్ అందుకున్న మొదటి హీరో బన్నీ కావడంతో గత మూడు రోజులుగా సోషల్ మీడియాలో అల్లు అర్జున్ పేరు మారుమోగిపోతుంది. సినీ, రాజకీయ ప్రముఖులు బన్నీకి అభినందనలు తెలుపుతున్నారు. ఈ క్రమంలోనే నేషనల్ అవార్డ్ వచ్చిన తర్వాత మొదటిసారి మీడియాతో ముచ్చటించారు బన్నీ. ఉత్తమ నటుడి విభాగంలో నా పేరు తెరపై కనిపించగానే ఆనందంతో సుకుమార్ ను గట్టిగా హత్తుకున్నాను. ఈ పురస్కారం రావడానికి ఉన్న కారణాలన్ని కేవలం సుకుమార్ కే అని అన్నారు.
తనే నాకు ఈ అవార్డ్ రావాలని వంద రెట్లు కోరుకున్నాడు. ఇది నా పురస్కారం కంటే తనకు వచ్చిందే అవుకోవాలి. నేనొక వైర్ అయితే అందులో కరెంట్ నువ్వే అని తనతో చెప్పాను. వైర్ కాదు డార్లింగ్.. ఫైర్ నువ్వు అని సుకుమార్ అన్నాడు” అంటూ చెప్పుకొచ్చారు బన్నీ. ఇక అలానే చిరంజీవి వల్లనే తను ఈ స్థాయికి చేరుకున్నట్టు కూడా బన్నీ తెలియజేశాడు. నా కట్టె కాలే వరకు చిరంజీవి అభిమానిని అంటూ బన్నీ ఎమోషనల్ గా కూడా మాట్లీడినట్టు తెలుస్తుంది.
