Bengaluru Padma : సీరియల్స్లోను, సినిమాలలోను క్యారెక్టర్ ఆర్టిస్ట్గా కనిపించి ఎంతగానో అలరించారు బెంగళూరు పద్మ.ఈ మధ్య కాలంలో ఆమె సినీ పరిశ్రమకి కాస్త దూరంగా ఉన్నారు. అయితే అప్పుడప్పుడు పలు సీరియల్స్లో కనిపిస్తూ సందడి చేస్తున్నారు. అయితే పద్మ కూతురు గాయత్రి కూడా నటి కాగా, ఆమె హ్యాపీ డేస్ సినిమాలో అప్పుగా కనిపించి ఎంతో మంది మనసులు గెలుచుకుంది. హ్యపీడేస్ బ్లాక్ బస్టర్ హిట్ గా నిలవడంలో అప్పు పాత్ర కూడా కీలకమనే సంగతి తెలిసిందే.అయితే తర్వాత రోజుల్లో గాయత్రీ రావు కొన్ని సినిమాలలో నటించినా ఆ సినిమాలు ఆశించిన స్థాయిలో సక్సెస్ ను సొంతం చేసుకోలేదు.
తొలి సినిమాయే అయినా.. ఎంతో అనుభవం ఉన్నట్లు నటించింది. అయితే తాజాగా అప్పు తల్లి బెంగుళూరు పద్మ ఓ ఇంటర్వ్యూలో అప్పుకు సినిమా కెరీర్కు సంబంధించి కీలక వ్యాఖ్యలు చేశారు. హ్యాపీడేస్ ఆ సినిమా కోసం బాయ్ కట్ చేయించుకోవాలని డైరెక్టర్ శేఖర్ కమ్ముల చెప్పడంతో.. కాస్త ఇబ్బంది పడిందని…బాయ్ కట్ చేయించుకున్నాక కూడా చాలా బాధపడి ఏడ్చిందన్నారు. ఆ తర్వాత హ్యాపిడేస్ సినిమాలో అప్పు క్యారెక్టర్ చూసి అంతా బావుందని మెచ్చుకున్నారని పద్మ అన్నారు. తన కూతురు ఇప్పుడు చాలా సంతోషంగా హ్యాపీగా ఉందన్నారు.
అయితే పవన్ కళ్యాణ్ గబ్బర్ సింగ్లో నటించిన తర్వాతే .. గాయత్రి ఇక సినిమాలు చేయకూడాదని నిర్ణయం తీసుకుందన్నారు. హరీశ్ శంకర్ డైరెక్షన్లో వచ్చిన ఈ సినిమాలో ముందుగా గాయత్రి క్యారెక్టర్ ట్రయాంగిల్ లవ్ అని చెప్పి తీసుకున్నారన్నారు. ఆ తర్వాత సినిమాలో విడుదలయ్యాక.. వేరేలా డిఫరెంట్ టాక్ వచ్చిందన్నారు. సినిమా చేశాక తాను ఇక సినిమాలు చేయనని చెప్పిందన్నారు. సినిమాలు మానేసి చదువుకుందన్నారు. పీజీ పూర్తి చేసిందన్నారు. ఏదీ ఏమైనా వారి వల్లే ఇవాళ నా కూతురు మంచి నిర్ణయం తీసుకొని లైఫ్లో స్థిరపడిందన్నారు. హ్యాపీడేస్ తర్వాత రామ్ చరణ్ నటించిన ‘ఆరంజ్’పవన్ కల్యాణ్ ‘గబ్బర్ సింగ్’ సినిమాలోనూ నటించిన గాయత్రిరావు.. ఆ తర్వాత తమిళ ఇండస్ట్రీకి వెళ్లింది. అక్కడ కూడా ఒకటి రెండు సినిమాల్లో నటించింది. ఆ తర్వాత సినిమా అవకాశాలు రాకపోవడంతో 2019లో వివాహం చేసుకొని చెన్నైలో సెటల్ అయిపోయింది.
