Payal Rajput : సినీ స్టార్స్ ఒక్క సినిమాతోనే ఓవర్ నైట్ స్టార్స్ అవుతుండడం మనం చూస్తూనే ఉంటాం. ఢిల్లీ బ్యూటీ పాయల్ రాజ్పుత్ కెరీర్ కూడా ‘ఆర్ఎక్స్ 100’ అనే ఒక్క సినిమాతో కొత్త మలుపు తీసుకుంది. ఒక్క సినిమాతో ఓ రేంజ్ పాపులారిటీ సంపాదించుకున్న ఈ భామకు మళ్లీ ఆ రేంజ్లో సక్సెస్ ఇంత వరకు పడలేదు. స్టార్ హీరోల సరసన నటించిన కూడా పాయల్ని అదృష్టం పలకరించలేదు. ఈ క్రమంలో తనకు ‘ఆర్ఎక్స్ 100’ లాంటి హిట్ ఇచ్చిన దర్శకుడు అజయ్ భూపతితోనే కలిసి పనిచేసింది పాయల్. వీరిద్దరి కాంబినేషన్లో తెరకెక్కిన ‘మంగళవారం’ చిత్రం విడుదల కాగా, ఈ చిత్రానికి అన్ని వర్గాల నుండి మంచి ఆదరణ లభిస్తుంది.
మిస్టరీ, బోల్డ్ కంటెంట్తో వచ్చిన ఈ సినిమాకు ప్రేక్షకులు ఫిదా అవుతున్నారు. ఇదిలా ఉంటే సరైన సమయంలో సరైన విజయం దక్కడంతో పాయల్ ఆనందానికి అవధులు లేకుండా పోయింది. సినిమాకు సక్సెస్ టాక్ రావడంతో చిత్ర యూనిట్ శనివారం సక్సెస్మీట్ను నిర్వహించింది. సక్సెస్ మీట్లో పాల్గొన్న నటి పాయల్ రాజ్పుత్ భావోద్వేగానికి గురయ్యారు. సినిమా విజయంపై సంతోషం వ్యక్తం చేసింది. ‘మంగళవారం’ చిత్రంపై ప్రేక్షకులు చూపిస్తున్న ఆదరణకు ఎంతో సంతోషిస్తున్నానని చెప్పుకొచ్చింది. తన సంతోషాన్ని తెలియజేయడానికి మాటలు చాలడం లేదన్న పాయల్.. టాలీవుడ్లో తనను మరోసారి హీరోయిన్గా లాంచ్ చేసిన దర్శకుడు అజయ్కు ధన్యవాదాలు తెలిపింది.
తన శ్రమకు తగిన ఫలితం దక్కిందన్న పాయల్.. గత మూడేళ్లుగా ఇలాంటి ఆదరణ కోసమే ఎదురు చూస్తున్నానని చెప్పుకొచ్చింది. ఈ సినిమాతో తనకు మంచి రెస్పాన్స్ వచ్చిందని తెలిపింది.ఇక రిపోర్టర్ ప్రశ్నకి కూడా తనదైన శైలిలో బదులిచ్చింది. అజయ్ భూపతి చెప్పినప్పడు మీరు ఎస్, నో వంటివి ఏమైన చెప్పారా అని అన్నాడు. పోస్టర్ చూసినప్పుడు బోల్డ్ అనుకున్నాం కాని చాలా సింపతీ వచ్చింది అని అడిగాడు. దానికి పాయల్ స్పందిస్తూ..నరేట్ చేసినప్పుడు సైలెంట్గా ఉన్నా. కొన్ని నరేషన్స్ తర్వాత నేను అడిగాను. ఆర్ఎక్స్ 100 ఇమేజ్ క్యారీ చేయబోతున్నామా అని అన్నాను. కాని మంగళవారం సినిమా తర్వాత నా ఇమేజ్ నాకు దక్కింది అని సంతోషం వ్యక్తం చేసింది పాయల్.
https://youtube.com/watch?v=E3ygecKCs9I
