Varun Tej : టాలీవుడ్ హీరో వరుణ్ తేజ్ వరుస సినిమాలను లైన్లో పెట్టాడని తెలిసిందే. వీటిలో ఒకటి ఆపరేషన్ వాలెంటైన్ కాగా, ఈ చిత్రం పాన్ ఇండియా కథాంశంతో వార్ డ్రామా నేపథ్యంలో వస్తుంది. శక్తి ప్రతాప్ సింగ్ హడ డైరెక్షన్లో ఇండియన్ ఎయిర్ఫోర్స్ (భారత వైమానిక దళం)కు డెడికేట్ చేస్తూ తెరకెక్కిస్తున్న ఈ మూవీలో మాజీ మిస్ యూనివర్స్ మానుషి చిల్లర్ ఫీ మేల్ లీడ్ రోల్లో నటిస్తోంది. ఈ చిత్రంలో వరుణ్ తేజ్ ఫైటర్ పైలట్గా నటిస్తుండగా.. మానుషి చిల్లర్ రాడార్ ఆఫీసర్గా కనిపించనుంది.ఫిబ్రవరి 6 నాడు ఆపరేషన్ వాలెంటైన్ మూవీ నుంచి గగనాల అనే లిరికల్ సాంగ్ను రిలీజ్ చేశారు.
ఇందుకోసం మల్లారెడ్డి ఇంజినీరింగ్ కాలేజ్లో ప్రత్యేక ఈవెంట్ నిర్వహించారు. ఈ కార్యక్రమంలో విద్యార్థులు అడిగిన ప్రశ్నలకు వరుణ్ తేజ్ సమాధానం ఇచ్చాడు. ఈ క్రమంలోనే “మీరు ఇప్పటివరకు చాలా సినిమాలు చేశారు కదా. మీ ఫేవరేట్ హీరోయిన్ ఎవరు?” అని ఓ విద్యార్థి అడిగిన ప్రశ్నకు ఆసక్తికర సమాధానం చెప్పాడు వరుణ్ తేజ్.నిజానికి నా ఫేవరేట్ హీరోయిన్ అయిన లావణ్యను నేను వివాహం చేసుకున్నాను. అది నాకు చాలా సంతోషంగా ఉంది. నాకు సాయి పల్లవి అంటే కూడా ఎంతో ఇష్టం. ఇక లావణ్య త్రిపాఠికి నేనే ముందు లవ్ ప్రపోజ్ చేశాను” అని వరుణ్ తేజ్ చెప్పుకొచ్చారు.
ఇక బాబాయ్ గురించి అడగగా, తన బాబాయ్ ఎప్పటికీ తన గుండెల్లో ఉంటాడని కూడా చెప్పాడు. అలానే చిరంజీవి గురించి కొందరు లేనిపోని తప్పుడు ప్రచారాలు చేయగా, వారికి కూడా గట్టిగా సమాధానం ఇచ్చాడు. ఒకే ఒక్క అవార్డ్ పద్మవిభూషణ్తో తన పెద్దనాన్న చిరంజీవిని విమర్శించే వారికి గట్టిగా బదులిచ్చారు. మొత్తానికి వరుణ్ తేజ్ సమాధానాలు ప్రస్తుతం సోషల్ మీడియాని షేక్ చేస్తున్నాయి. ఆపరేషన్ వాలెంటైన్ సినిమాకు కుశక్తి ప్రతాప్ సింగ్ హడా దర్శకత్వం వహించారు. సోనీ పిక్చర్స్ ఇంటర్నేషనల్ ప్రొడక్షన్స్, సందీప్ ముద్దా రినైసన్స్ పిక్చర్స్ సంయుక్తంగా నిర్మించింది. మార్చి 1న ఈ మూవీ ప్రేక్షకుల ముందుకు రానుంది.
