Balakrishna : నందమూరి బాలయ్య.. ఈ పేరుకి ప్రత్యేక పరిచయాలు అక్కర్లేదు. విశ్వ విఖ్యాత నటసార్వభౌమ నందమూరి ఎన్టీఆర్ నట వారసుడిగా ఇండస్ట్రీకి ఎంట్రీ ఇచ్చిన బాలయ్య ఆనతి కాలంలోనే స్టార్ హీరోగా ఎదిగారు.ఇప్పుడు మనం చూస్తున్నది బాలయ్యను కాదు.. ఆయన వర్షన్ 2.0ను. ఒకప్పుడు ఒక్క హిట్ కొడితే.. మూడు నాలుగేళ్ల వరకు మరో హిట్ కోసం అభిమానులు ఆశగా ఎదురు చూసేవాళ్లు.కానీ ఇప్పుడలా కాదు.. వరస విజయాలు కొడుతూనే ఉన్నారు ఎన్బీకే. దాదాపు 30 ఏళ్ళ తర్వాత హ్యాట్రిక్ అందుకున్నారు. అఖండ, వీరసింహారెడ్డి, భగవంత్ కేసరితో వరసగా మూడు సెంచరీలు కొట్టిన సీనియర్ హీరోగా రికార్డ్ తిరగరాసారు.
అఖండ ముందు వరకు బాలయ్య వేరు.. ఆ తర్వాత బాలయ్య వేరు. అక్కడ్నుంచి ఆయన పాత్రల ఎంపిక పూర్తిగా మారిపోయింది. ఓ వైపు ఫ్యాన్స్ కోసం యూత్ రోల్ చేస్తూనే.. మరోవైపు ఏజ్డ్ రోల్స్ చేస్తున్నారు. వీరసింహారెడ్డి, భగవంత్ కేసరిలలో బాలయ్య కారెక్టర్స్ బలంగా కనెక్ట్ అయ్యాయి.బాబీ సినిమాలోను మధ్య వయస్కుడిగానే నటిస్తున్నట్లు తెలుస్తుంది. 80వ దశకం నేపథ్యంలో ఈ కథ సాగుతుంది.బాబీ తర్వాత హరీష్ శంకర్తో బాలయ్య సినిమా చేయబోతున్నారని తెలుస్తుంది. ప్రముఖ కన్నడ నిర్మాణ సంస్థ కేవీఎన్ ప్రొడక్షన్స్లో ఇది రానుంది. ప్రస్తుతం బాలయ్య సినిమాలతో పాటు రాజకీయాలతో కూడా బిజీగా ఉన్నారు.
అయితే తాజాగా బాలయ్యకి సంబంధించిన వీడియో ఒకటి నెట్టింట వైరల్ అవుతుంది. ఇందులో బాలయ్య తన అభిమానుల గురించి చెబుతూ ఆసక్తికర కామెంట్స్ చేశారు. యూత్ని హెల్మెట్ విషయంలో అవగాహన కల్పించేందుకు బాలకృష్ణ ప్రచార కార్యక్రమంలో పాల్గొన్నారు. అప్పుడు ఆయన తన అభిమానులు ఎలా వెంటపడతారో, బైకుల మీద ఎలా వెళతారు అనేది చెప్పుకొచ్చారు. అభిమానులే పార్టీకి, రాష్ట్రానికి చాలా అవసరం అంటూ బాలయ్య చాలా ఎగ్జైటింగ్తో చెప్పుకొచ్చారు.బాలయ్య చేసిన ఈ కామెంట్స్కి సంబంధించిన వీడియో ఇప్పుడు నెట్టింట తెగ వైరల్ అవుతుంది.
https://youtube.com/watch?v=F7rVfOd5BEE
