మళయాల ముద్దుగుమ్మ, సహజ నటి నిత్య మీనన్ తన క్యూట్ ఇంకా చబ్బీ లుక్స్ తో దక్షిణాది సినిమాల్లో తనకంటూ ప్రత్యేక గుర్తింపు తెచ్చుకుంది. ఏ భాషలో నటించినా తన మాతృ భాషలో చేసినట్టుగానే సహజంగా నటించడం తన ప్రత్యేకత. అలా మొదలైంది సినిమాతో తెలుగులో రంగ ప్రవేశం చేసిన నిత్య మీనన్ ఎన్నో మంచి పాత్రల్లో నటించి మెప్పించింది. ఈ మధ్యే ధనుష్ సరసన తిరు అనే చిత్రంలో హీరోయిన్ గా నటించింది. ఆ సినిమా మంచి విజయం సాధించింది. మిడిల్ క్లాస్ అమ్మాయిగా నిత్య మీనన్ ఈ సినిమాలో అద్భుతంగా నటించింది. తన క్యూట్ లుక్స్ తో ఎంతో మంది అభిమానులను సంపాదించుకుంది. అయితే నిత్య మీనన్ తాజాగా తన ఇన్ స్టాగ్రామ్ లో షేర్ చేసిన పోస్ట్ సామాజిక మాధ్యమాల్లో దుమారం రేపుతోంది. ఆ పోస్టు చూసిన ఆమె అభిమానులు షాక్ కు గురవుతున్నారు.
నిత్య మీనన్ తన ఇన్ స్టాగ్రామ్ పోస్టు లో ఒక ఫోటోను షేర్ చేయడం జరిగింది. ఆ ఫోటోలో ప్రెగ్నెన్సీ పరీక్షించే కిట్ లో రెండు గీతలు చూపిస్తూ గర్భవతి అని ధృవీకరిస్తున్నట్టుగా తెలిపే విధంగా ఉంది. దాంతో పాటు పుట్టిన బిడ్డ నోట్లో పెట్టే పీక కూడా కనిపిస్తూ ఉంది. ఆ పోస్టు కింద ఎండ్ ది వండర్ బిగిన్స్ అనే ట్యాగ్ లైన్ ను కూడా జత చేసింది. దీంతో నిత్య మీనన్ పెళ్లి కాకుండానే తల్లి అయ్యిందని పలువురు కామెంట్ చేయడం స్టార్ట్ చేసేశారు.
ఈ క్రమంలోనే కొందరు నిత్య తన రాబోయే సినిమా లేదా వెబ్ సిరీస్ ప్రమోషన్ లో భాగంగానే అలా పోస్టు చేసిందని అభిప్రాయపడుతున్నారు. మరింకొందరు మాత్రం పెళ్ళి కాకుండానే ఇలాంటి పనులేంటని విమర్శిస్తున్నారు. ఇంకొందరు ఇది నిజమే అని షాక్ కు గురవుతున్నారు. ఏదేమైనా ఇది నిజం కాదని కేవలం తన రాబోయే సినిమా గురించి చెప్పడానికే ఈ విధంగా చేసిందని కొందరు అంటున్నారు.
ఇక తన భవిష్యత్తు సినిమాల విషయానికి వస్తే మళయాలంలో ఆరమ్ తిరుకల్పన అనే సినిమాతోపాటు మరొక చిత్రం చేస్తుంది. అలాగే తమిళనాడు మాజీ ముఖ్యమంత్రి జయలలిత జీవితం ఆధారంగా రూపొందనున్న ఐరన్ లేడీ అనే సినిమాలో నటించనుంది. ఇంకా నిత్య మీనన్ ముఖ్య పాత్రలో నటించగా అమెజాన్ ప్రైమ్ లో పాపులర్ అయిన బ్రీత్ అనే వెబ్ సిరీస్ రెండవ సీజన్ కూడా త్వరలో ప్రసారం కానుంది. దీంతో పాటు కుమారి శ్రీమతి అనే వెబ్ సిరీస్ కూడా అమెజాన్ ప్రైమ్ లో రానుంది.
