Viral Pic : ఇంటర్నెట్ వినియోగం పెరిగిన తరువాత సినీ సెలబ్రిటీలకు ఫ్యాన్స్ను మరింతగా దగ్గర చేసింది ఇదిలా ఉంటే హీరో గానీ, హీరోయిన్ గానీ ఏవైనా ఫోటోలు అప్లోడ్ చేస్తే చాలు వాటిని క్షణాల్లో వైరల్ చేసేస్తుంటారు ఫ్యాన్స్. ఇక ఈ మధ్యకాలం చిన్ననాటి ఫోటోలు సామాజిక మాధ్యమాల్లో సరికొత్త ట్రెండ్ సృష్టిస్తున్నాయి. త్రో బ్యాక్ అంటూ హీరోయిన్లు తన చిన్ననాటి ఫోటోలు షేర్ చేయడం అలవాటుగా మారిపోయింది. ఈ క్రమంలోనే తాజాగా ఓ టాలీవుడ్ స్టార్ హీరోయిన్ చిన్ననాటి ఫోటో సోషల్ మీడియాలో బాగా వైరల్ గా మారింది. అమ్మ కౌగిట్లో క్యూట్ గా ఒదిగి ఉన్న ఈ చిన్నారి ఎవరు గుర్తుపట్టండి చూద్దాం.
ఈ చిన్నారి ఇప్పుడు టాలీవుడ్ స్టార్ హీరోయిన్. అటు హిందీ, ఇటు తెలుగు, తమిళం భాషల్లో పలు హిట్ చిత్రాల్లో నటించి అలరించింది. తెలుగులో పలువురు స్టార్ హీరోల సరసన నటించి బ్లాక్బస్టర్స్ అందుకుంది. కెరటం చిత్రంతో ఇండస్ట్రీలోకి దూసుకొచ్చి అందం, అభినయం, నటనతో వైవిధ్యభరితమైన సినిమాల్లో నటించి ఎంతోమంది అభిమానులను సంపాదించుకుంది. ఆమె ఎవరో ఎప్పటికేనా గుర్తొచ్చిందా.
ఆమె ఎవరో కాదు.. రకుల్ ప్రీత్ సింగ్. కొంతకాలంగా తెలుగు సినిమాలకు దూరంగా ఉంటూ వరుసపెట్టి హిందీ సినిమాల్లో నటిస్తూ ఫుల్ బిజీగా ఉంది రకుల్. బాలీవుడ్ లో కూడా నటన ప్రతిభతో ఎంతోమంది అభిమానులను సంపాదించుకుంటుంది. ఇక ఇటీవల తన పుట్టినరోజు నాడు బాలీవుడ్ హీరో జాకీ భగ్ననీతో ప్రేమలో ఉన్నట్లు అధికారికంగా సోషల్ మీడియా వేదికగా వెల్లడించింది రకుల్ . అతడిని ఉద్దేశించిన లవ్ ఆఫ్ మై లైఫ్ అంటూ రకుల్ తన ఇన్స్టాగ్రామ్లో చేసిన ఓ పోస్ట్ అప్పట్లో నెట్టింట వైరల్గా మారిన సంగతి తెలిసిందే.
