Bobby Deol : బాలీవుడ్ హీరో రణబీర్ కపూర్, డైరెక్టర్ సందీప్ రెడ్డి వంగా కాంబోలో రాబోతున్న చిత్రం యానిమల్ అన్ని కార్యక్రమాలు పూర్తిచేసుకొని డిసెంబర్ 1న ప్రపంచవ్యాప్తంగా విడుదల కానున్న విషయం తెలిసిందే. ఈ మూవీ ప్రమోషన్లలో భాగంగా ఇటీవల యానిమల్ ట్రైలర్ రిలీజ్ చేశారు మేకర్స్. తండ్రి, కొడుకుల మధ్య ఉండే అనుబంధం, ఎమోషన్స్తో ట్రైలర్ అంచనాలు భారీగా పెంచింది. చిత్రంలో రణబీర్ కపూర్ తోపాటు.. ప్రతినాయకుడు బాబీ డియోల్ లుక్ సైతం ప్రేక్షకులను ఆకట్టుకుంది. ముఖ్యంగా ఆయన ఫిజిక్ గురించి నెట్టింట చర్చ జరిగింది. రణబీర్ కపూర్ కంటే ఎక్కువగా ఫిజిక్తో కనిపించాడు బాబీ డియోల్. అయితే యానిమల్ సినిమా కోసం బాబీ డియోల్ దాదాపు నాలుగు నెలలు కఠోర సాధన చేసినట్లు వెల్లడించాడు.
ఆయన వ్యక్తిగత శిక్షకుడు ప్రజ్వల్ శెట్టి. విలన్ పాత్రలో నటించిన బాబీకి “రణబీర్ కంటే విశాలమైన” శరీరాకృతి ఉండాలని సందీప్ చెప్పాడని శెట్టి పేర్కొన్నాడు. బాబీ దేహం కండలు తీరి, విశాలంగా కనిపించాల్సి ఉందని, దీంతో అతడి శరీరంలో కొవ్వు కరిగించేందుకు కసరత్తులు చేశాడని చెప్పుకొచ్చాడు.సల్మాన్ ఖాన్ రేస్ 3తో బాబీ డియోల్ సెకండ్ ఇన్నింగ్స్ ఆరంభమైనప్పటి నుంచి ప్రజ్వల్ శెట్టి అతడికి శిక్షణ ఇస్తున్నాడు. బాబీ శరీరం మారిన తీరు పట్ల సందీప్ రెడ్డి సంతృప్తి వ్యక్తం చేశాడని ప్రజ్వల్ తెలిపాడు. బాబీ డియోల్ కోసం ప్రత్యేకమైన డైట్ ప్లాన్తో ఈ ఫీట్ సాధించామని అన్నాడు. బాబీకి స్వీట్స్ అంటే ఇష్టమున్నా నాలుగు నెలల పాటు వాటికి దూరంగా ఉన్నాడని చెప్పాడు.
ఇక ఇదిలా ఉంటే బాబీ డియోల్ రీసెంట్గా యానిమల్ ప్రీరిలీజ్ ఈవెంట్లో సందడి చేశాడు. ఈ కార్యక్రమంలో బాబీ డియోల్.. హరిహర వీరమల్లు సినిమాలోని ఒక డైలాగ్ ని లీక్ చేశారు. “నేను తెలుగులో ఒక సినిమా చేస్తున్నాను. ఆ మూవీలోని ఒక డైలాగ్ నాకు గుర్తుకు ఉంది. అది నేను చెప్పాలి అనుకుంటున్నాను అని… ‘పాశ్యాబేగం మా ప్రాణం. ఆ ప్రాణం నువ్వు కాపాడావు. నీకు ఏం కావాలో కోరుకోమని నేను ఆదేశిస్తున్నాను’ అనేది నా డైలాగ్” అంటూ చెప్పుకొచ్చారు. ఈ డైలాగ్ పవన్ తో చెప్పేది అని అర్ధమవుతుంది. ప్రస్తుతం ఈ డైలాగ్ కి సంబంధించిన వీడియో నెట్టింట వైరల్ గా మారింది.
https://youtube.com/watch?v=eBcXQATRMPE
