Hanuman Movie : తేజ సజ్జా హీరోగా ప్రశాంత్ వర్మ తెరకెక్కించిన చిత్రం హనుమాన్. ఈ సినిమా ఎంత పెద్ద హిట్ అయిందో ప్రత్యేకంగా చెప్పాల్సిన అవసరం లేదు. చిన్న సినిమా అని ముందు నుంచి అందరూ అనుకుంటూ వచిన సంక్రాంతి సినిమాలన్నింటిని బీట్ చేసి అందరిని ఆశ్చర్యపరచింది. నిజానికి ఈ సినిమా అనేక రికార్డులు కూడా బద్దలు కొట్టింది అనడంలో ఎలాంటి సందేహం లేదు. ఇక ఈ సినిమాకి సంబంధించిన రెండో భాగం పేరు జై హనుమాన్ కాగా ఆ సినిమాలో హనుమంతుడిగా నటించేది ఎవరు అనే విషయం మీద చర్చలు జరుగుతున్నాయి. అయితే హనుమాన్ సినిమా ఇంత మంచి విజయం సాధిస్తుందని ఎవరు ఊహించి ఉండరు.
బయ్యర్లకు హనుమాన్ సినిమా కాసుల వర్షం కురిపిస్తోంది. తెలుగు చలన చిత్ర పరిశ్రమలో ఉన్న నాన్ బాహుబలి రికార్డులను తుడిచి పెట్టేస్తోంది. అత్యధిక లాభాలు తెచ్చిపెట్టిన చిత్రంగా ఇండస్ట్రీలో రికార్డులు బ్రేక్ చేస్తోంది. ప్రస్తుతం ఈ సినిమా బాక్సాఫీస్ వద్ద కనక వర్షం కురిపిస్తుండగా, ఈ మూవీ టాలీవుడ్ లో ఉన్న నాన్ బహుబలి రికార్డులను బద్దలు కొట్టింది. ఎక్కువ లాభాలు తీసుకొచ్చిన చిత్రంగా హనుమాన్ రికార్డులకెక్కింది. ఈ చిత్రం 11 రోజుల్లో రూ.112 కోట్ల గ్రాస్, రూ.209 కోట్ల షేర్ ని రాబట్టింది. ఇప్పటివరకు అత్యధిక లాభాలు తీసుకొచ్చిన చిత్రంగా అల వైకుంఠపురం సినిమా పేరిట ఉన్న రికార్డులను బద్దలు కొట్టింది.
అల్లు అర్జున్ అల వైకుంఠపురంలో సినిమాకి మొత్తం రూ.75 కోట్ల లాభాలు రాగా, హనుమాన్ చిత్రం కేవలం 11 రోజుల్లోనే బయ్యర్లకు రూ.82 కోట్ల లాభాలను తెచ్చిపెట్టింది. టాలీవుడ్ లో లాభాల పరంగా ఉన్న రికార్డులను చూస్తే.. అల వైకుంఠపురానికి ముందు ఆ రికార్డు రౌడీ హీరో విజయ్ దేవరకొండ పేరిట ఉండేది. విజయ్ నటించిన గీతా గోవిందం సినిమాకి మొత్తం రూ.55 కోట్లు లాభాలు రాగా, రామ్ చరణ్ నటించిన రంగస్థలం సినిమాకి కూడా లాభాలు దండిగానే వచ్చాయి. కానీ, ఆ మూవీని ఆ రోజుల్లోనే ఎక్కువ మొత్తానికి అమ్మడంతో కలెక్షన్స్ లో రూ.47 కోట్లు లాభాలు దక్కాయి. ఇప్పుడు ఈ రికార్డులు అన్నింటినీ ప్రశాంత్ వర్మ హనుమాన్ చిత్రం తుడిచిపెట్టడం విశేషం. లాంగ్ రన్ లో ఈ రికార్డులు రూ.100 కోట్లు, రూ.120 కోట్లు దాటిపోయినా కూడా ఆశ్చర్యపోనక్కర్లేదని చెప్పుకొస్తున్నారు.
