Tamannaah : మిల్కీ బ్యూటీ తమన్నా ఇటీవలి కాలంలో తెగ వార్తలలో నిలుస్తుంది.హ్యాపీ డేస్ చిత్రంతో ఒక్కసారిగా లైమ్లైట్లోకి వచ్చిన తమన్నా ఆ తర్వాత అందం అభినయంతో టాలీవుడ్ స్టార్ హీరోయిన్ గా రాణించింది. తెలుగుతో పాటు తమిళ్.. హిందీ సినిమాల్లోనూ ఆఫర్లు అందుకుంది ఈ చిన్నది. అయితే ఇటీవల కాలంలో ఈ అమ్మడి జోరు కాస్త తగ్గింది అని చెప్పాలి.. సినిమాలు అంతగా చేయలేకపోతున్న తమన్నా వెబ్ సిరీస్లతో సందడి చేస్తుంది. అయితే ఇన్నేళ్ల సినిమా కెరీర్ లో తమన్నాపై లవ్ అఫైర్ లాంటి రూమర్స్ రాలేదు. కానీ కొన్ని నెలల క్ర్రితం బాలీవుడ్ నటుడు విజయ్ వర్మతో తమన్నా రిలేషన్ లో ఉంది అని వార్తలు వచ్చాయి. ఓ పార్టీలో తమన్నా, విజయ్ కిస్సింగ్ ఫొటోస్ లీక్ అవ్వగా ఈ విషయం బయటపడింది.
ఒక్కసారిగా వీరిద్దరి గురించి అనేక వార్తలు నెట్టింట హల్చల్ చేశాయి. నెట్టింట ప్రచారం తర్వాత వీరిద్దరూ కలిసి ముంబై వీధుల్లో షికార్లు కొట్టడంతో బాగా ట్రెండ్ అయ్యారు. ఇక వీరిద్దరూ కలిసి లస్ట్ స్టోరీస్ 2 ( వంటి అడల్ట్ సినిమాలో నటించి రొమాన్స్ చేయడంతో మరింత వైరల్ అయ్యారు. ఈ రూమర్స్ పై ఇద్దరూ స్పందించి.. అవును మేము ప్రేమలో ఉన్నాం, డేటింగ్ చేస్తున్నాం అని క్లారిటీ ఇస్తూ వారి ప్రేమ గురించి బయట పెట్టారు. తమన్నా విజయ్ వర్మ ప్రస్తుతం లవ్ లైఫ్ ని ఎంజాయ్ చేస్తున్నారు. ఇప్పటివరకు వీరిద్దరూ పెళ్లి టాపిక్ మాట్లాడలేదు. అయితే గత రెండు రోజులుగా వీరు త్వరలోనే పెళ్లి చేసుకోబోతున్నారని వార్తలు వస్తున్నాయి.
ఒకప్పటి సీనియర్ హీరోయిన్స్ అంతా కొంచెం లేట్ అయినా ప్రేమించి లేటెస్ట్ గా పెళ్లి చేసేసుకుంటున్నారు. తమన్నా కూడా ఇప్పుడు ఇదే బాటలో వెళ్లనుంది. ప్రస్తుతం తమన్నా, విజయ్ వర్మ చేతిలో ఉన్న సినిమాల్లో సెట్స్ మీద ఉన్నవి పూర్తి అవ్వగానే వచ్చే సంవత్సరం ఫిబ్రవరిలో పెళ్లి చేసుకుంటారని బాలీవుడ్ లో వార్తలు వస్తున్నాయి. రీసెంట్గా తమన్నా, విజయ్ వర్మ దీపావళి సెలబ్రేషన్స్లో భాగంగా కలిసి కనిపించారు. ఈ ఇద్దరి పిక్స్ నెట్టింట తెగ హల్చల్ చేస్తున్నాయి.
