Ali Basha : వ‌కీల్‌సాబ్‌, భీమ్లా నాయ‌క్ చిత్రాల్లో ఎందుకు న‌టించ‌లేదో.. ఎట్ట‌కేల‌కు చెప్పిన ఆలీ..!

Ali Basha : నటుడు అలీని ఏపీ ప్రభుత్వం ఎలక్ట్రానిక్ మీడియా సలహాదారుడిగా నియమించిన విషయం తెలిసిందే. పవన్ కళ్యాణ్, అలీ ఎంతో సన్నిహిత మిత్రులు. అయితే రాజకీయాల కారణంగా పవన్ కళ్యాణ్, కమెడియన్ అలీ మధ్య కొంత గ్యాప్ పెరిగిందనే ప్రచారం ఉంది. 2019 సార్వత్రిక ఎన్నికల్లో అలీ వైసీపీలో చేరడం, జనసేనకి వ్యతిరేకంగా ప్రచారం చేయడం పవన్ కి నచ్చలేదు. ఫలితంగా పవన్ ఆలీపై బహిరంగంగానే ఘాటుగా మాట్లాడారు. పవన్ కామెంట్స్ కి తాను కూడా హర్ట్ అయ్యానని అలీ స్పందించడం చూసాం.

ప్రస్తుతం పవన్, అలీ ఎవరి పనుల్లో వారు బిజీగా ఉన్నారు. కొన్ని రోజుల క్రితమే సీఎం జగన్.. అలీని ఏపీ ఎలక్ట్రానిక్ మీడియా సలహాదారుడిగా నియమిస్తూ ఆదేశాలు జారీ చేశారు. ఈ సందర్భంగా అలీ ఓ ఇంటర్వ్యూలో మాట్లాడుతూ పవన్ గురించి ప్రస్తావన రావడంతో ఆసక్తికర వ్యాఖ్యలు చేశారు. పవన్ కళ్యాణ్ నటించిన దాదాపు అన్ని చిత్రాల్లో అలీ ఉన్నారు. కానీ పవన్ చివరి 2 చిత్రాలు వకీల్ సాబ్, భీమ్లా నాయక్ లో మాత్రం అలీ కనిపించలేదు.

దీనిపై అలీ స్పందిస్తూ.. వకీల్ సాబ్, భీమ్లా నాయక్ 2 సీరియస్ గా సాగే చిత్రాలు. నేనే కాదు ఆ చిత్రాల్లో ఏ కమెడియన్ కూడా నటించలేదు కదా అని అలీ అన్నారు. కామెడీకి ఆస్కారం ఉన్న ఏదైనా సినిమా పవన్ చేస్తే నన్ను తప్పకుండా పిలుస్తారు అనే అనుకుంటున్నా అని ఆశాభావం వ్యక్తం చేశారు. పవన్ కళ్యాణ్ త్వరలో బాలకృష్ణ అన్ స్టాపబుల్ షోకి హాజరవుతారంటూ వార్తలు వస్తున్నాయి. దీని గురించి అలీని ప్రశ్నించగా.. పవన్ ప్రస్తుతం బిజీగా ఉన్నారు. ఆ షో గురించి నాకు తెలియదు. అవకాశం ఉంటే నేను చేస్తున్న అలీతో సరదాగా షోకి పవన్ ని ఇన్వైట్ చేస్తాను అని అలీ అన్నారు.