Director Vinayak : చెన్న‌కేశ‌రెడ్డి త‌రువాత బాల‌య్య‌తో మ‌ళ్లీ సినిమా ఎందుకు చేయ‌లేదో చెప్పిన వినాయ‌క్‌

Director Vinayak : ఫ్యాక్షన్ సినిమాలకి బాల‌య్య బాబు కేరాఫ్ అడ్రెస్ అని చెప్పాలి. ‘సమరసింహా రెడ్డి’ ‘నరసింహ నాయుడు’ వంటి చిత్రాలతో ఆయన ఓ బెంచ్ మార్క్ ను క్రియేట్ చేశారు. ఆ రెండు సినిమాలు ఇండస్ట్రీ హిట్లు అయ్యాయి. దీంతో అటు తర్వాత ‘చెన్నకేశవరెడ్డి’ అనే మరో ఫ్యాక్షన్ మూవీ చేశాడు బాలయ్య. అప్పటికే ఎన్టీఆర్ తో ‘ఆది’ అనే ఫ్యాక్షన్ మూవీ చేసి బ్లాక్ బస్టర్ అందుకున్న వి.వి.వినాయక్ దర్శకుడు. కాబట్టి సహజంగానే అంచనాలు భారీగా పెరిగాయి. అయితే ఆ సినిమా అంచ‌నాలు అందుకోలేక బోర్లాప‌డింది. ఈ ఫ్యాక్ష‌న్ సినిమా ఎందుకో అభిమానులు ఆశించిన స్థాయిలో విజయం సాధించలేదు అని అంతా చెబుతూ ఉంటారు.

ప్పాలంటే ఈ సినిమా బాక్సాఫీస్ వద్ద సేఫ్ ప్రాజెక్టు. కానీ ఇండస్ట్రీ రికార్డులు కొట్టలేకపోయింది. అందుకు గల కారణాలు కూడా దర్శకుడు వి.వి.వినాయక్ ఓ సందర్భంలో చెప్పుకొచ్చారు. ‘చెన్నకేశవ రెడ్డి’ సినిమా విషయంలో నేను రైటర్ పరుచూరి వెంకటేశ్వరరావు గారి సపోర్ట్ తీసుకున్నాను. అదే నేను చేసిన మొదటి తప్పు. నిజానికి నేను ఆయన తమ్ముడు పరుచూరి గోపాలకృష్ణ గారి సపోర్ట్ తీసుకోవాలి. కానీ అప్పట్లో ఆయనతో నాకు పరిచయం లేదు.వెంకటేశ్వరరావు గారు నాకు బాగా క్లోజ్. అందుకే ఆయన ఇన్పుట్స్ తీసుకున్నాను. కానీ ‘చెన్నకేశవరెడ్డి’ గోపాలకృష్ణ గారి బ్రాండ్ సినిమా. మాస్ సినిమాలకు ఆయన ఇన్పుట్స్ చాలా అవసరం.

ఇక నేను చేసిన ఇంకో తప్పు.. బాలకృష్ణ గారు డబుల్ రోల్ చేస్తున్నప్పుడు నేను టైటిల్ రోల్ పై ఫోకస్ పెట్టాను. పెద్ద బాలయ్యని ఎంత డైనమిక్ గా చూపించాలి అని రాత్రంతా పిచ్చిగా ఆలోచిస్తూ చిన్న బాలకృష్ణ రోల్ ని లైట్ తీసుకున్నాడు. ఇది ఇంకా ఎఫెక్ట్ అయ్యింది” అంటూ వినాయక్ చెప్పుకొచ్చారు.