Jagadeka Veerudu Athiloka Sundari : జ‌గ‌దేక వీరుడు అతిలోక సుంద‌రి చిత్రానికి చిరు, శ్రీదేవి తీసుకున్న రెమ్యున‌రేషన్ ఎంతో తెలుసా..?

Jagadeka Veerudu Athiloka Sundari : చిరంజీవి, శ్రీదేవి జంట‌గా ద‌ర్శ‌కేంద్రుడు కె రాఘ‌వేంద్రరావు తెర‌కెక్కించిన దృశ్య కావం జగదేక వీరుడు అతిలోక సుందరి. ఈ సినిమా బాక్సాఫీస్ చరిత్రలో అనేక రికార్డులను క్రియేట్ చేసింది. అప్పట్లో ఈ చిత్రం వసూలు చేసిన కలెక్షన్లు దక్షిణాదిలోనే కాకుండా దేశవ్యాప్తంగా సంచలనం రేపాయి. అప్పట్లో ఈ చిత్రానికి బడ్జెట్ రూ.8 కోట్లు. ఇప్పుటి పరిస్థితులతో పోల్చుకొంటే దాదాపు 63 కోట్ల రూపాయలుగా అంచనా వేసుకోవచ్చు. అత్యాధునిక సాంకేతికతతో, గ్రాఫిక్స్‌కు పెద్ద పీట వేసి హై టెక్నికల్ వ్యాల్యూస్‌తో తెరకెక్కించడం జరిగింది.

ఈ సినిమా 50 రోజులు 100 రోజులు కాకుండా ఏకంగా ఏడాది పాటూ థియేట‌ర్ల‌లో ఆడి అంద‌రిని ఆశ్చ‌ర్య‌ప‌రిచింది . మూడున్నర ద‌శాబ్దాల క్రితం వ‌చ్చిన ఈ సినిమాకు చిరంజీవి రూ.35 ల‌క్ష‌ల పారితోషికం పుచ్చుకోగా శ్రీదేవి రూ.25 ల‌క్ష‌ల రెమ్యున‌రేషన్ తీసుకుంద‌ట‌. అప్ప‌టి వీరి రెమ్యున‌రేష‌న్ ఇండ‌స్ట్రీ టాపిక్‌గా మారింది. ఇక ఈ చిత్రం ప్రతికూల తుఫాన్ పరిస్థితులను ఎదురించి ప్రేక్షకులను థియేటర్‌కు పరుగులు పెట్టేలా చేసింది. ఈ చిత్రం 100 రోజులకు రూ.30 లక్షలకు పైగా రాబట్టింది.

జ‌గ‌దేకవీరుడు అతిలోక సుందరి ఎన్నో సంచ‌ల‌నాలు క్రియేట్ చేయ‌గా, ఈ సినిమా 162 రోజులకు గాను రూ.40 లక్షల గ్రాస్ వసూలు చేయడం నైజాం ఏరియాలో ఓ సింగిల్ థియేటర్‌ అత్యధికంగా వసూలు చేసిన చిత్రంగా ఓ ఘనతను సొంతం చేసుకొన్నది. ఈ అపురూప దృశ్య కావ్యానికి సీక్వెల్ చేసే ఆలోచన, ఆ వార్తలు చాలా కాలం నుంచి వినిపిస్తూనే ఉన్నాయి. ఇటీవ‌ల అశ్విని దత్ జగదేక వీరుడు పార్ట్ 2 గురించి సంచలన వ్యాఖ్యలు చేశారు. చాలా రోజులుగా పార్ట్ 2 చేయాలనే ఆలోచన ఉంది. కానీ ఎందుకనో ముందుకు వెళ్లడం లేదు. ఎలాగైనా ఆ చిత్రం చేసి తీరుతాను అని అశ్వినీ దత్ అన్నారు.