Kesineni Nani : చంద్ర‌బాబుపై సంచ‌ల‌న వ్యాఖ్య‌లు చేసిన కేశినేని నాని.. త‌ర్వాత ఏమైందంటే..!

Kesineni Nani : టీడీపీ నుంచి వైసీపీలో చేరిన విజయవాడ ఎంపీ కేశినేని నాని మరోసారి టీడీపీ అధినేత చంద్రబాబు నాయుడు పై సంచలన వ్యాఖ్యలు చేశారు. విజయవాడలో శుక్రవారం నిర్వహించిన కార్యక్రమంలో ఆయన మాట్లాడుతూ… ఏపీలో అధికారం కోసం చంద్రబాబు జనసేన అధినేత పవన్‌ కల్యాణ్‌ కు కూడా మోసం చేస్తారని, తన కొడుకు నారా లోకేష్‌ను సీఎం చేయాలన్నదే ఆయన లక్ష్యమని పేర్కొన్నారు.రెండు సార్లు టీడీపీ ఎంపీగా గెలిచానని, విజయవాడలో కార్పొరేషన్‌తో పాటు సర్పంచు, ఎంపీటీసీ, జడ్పీ, మున్సిపల్‌ ఎన్నికల్లో అత్యధిక స్థానాలను తాను గెలిపించానని వెల్లడించారు.

తనను టీడీపీ నుంచి దూరం చేస్తే వైఎస్‌ జగన్‌ అక్కున చేర్చుకున్నారని వివరించారు. రాబోయే ఎన్నికల్లో టీడీపీకి 54 సీట్లే వస్తాయని సర్వేలు చెబుతున్నాయని జోస్యం చెప్పారు. అమరావతి పేరిట భూములను తీసుకుని రైతులను మోసం చేశారని ఆరోపించారు. 30 సంవత్సరాలు అయినా అమరావతి అభివృద్ధి చెందదని బాబుకు వివరించానని, బెజవాడలో ఎయిర్‌పోర్టు రాకుండా చంద్రబాబు కుట్ర చేశారని విమర్శించారు. ఎన్నికల్లో టీడీపీ గెలిస్తే రాష్ట్రంలో గందళగోళ పరిస్థితులే ఉంటాయని పేర్కొన్నారు. చంద్రబాబు విజయవాడతో పాటు విజయవాడ పార్లమెంటు పరిధిలో అన్ని ప్రాంతాలను ముంచేశారని ఆరోపించారు.

చంద్రబాబు నాయుడు గురించి ఎవరిని అడిగినా చెబుతారని మోసం చేయడం బాబు నైజం అన్నారు. తిరువూరులో నల్లగట్ల స్వామిదాసు పార్టీలో చేరిన విషయంలో తన ప్రమేయం లేదని కేశినేని నాని స్పష్టం చేశారు. తాను చేరడానికి ముందే స్వామిదాసుతో పార్టీ సంప్రదింపులు చేస్తోందన్నారు. టీడీపీ నుంచి తాను ఎవరిని వైసీపీలోకి ఆహ్వానించలేదన్నారు.తెలుగుదేశం పార్టీని వీడి వైసీపీలో చేరబోతున్నట్లు ప్రకటించిన విజయవాడ ఎంపీ కేశినేనికి నానికి బిగ్ షాక్ ఇస్తున్నారు ఆయన అనుచరులు. మీడియా వేదికగా 60 శాతం టీడీపీ శ్రేణులు తనతో పాటే వస్తారని ప్రకటించిన నాని.. గట్టి ఝలక్ ఇస్తున్నారు. తామెవరం నీ వెంట రాలేం అంటూ తేల్చి చెప్పేస్తున్నారు. దీంతో కేశినేని నాని ఖంగుతిన్నారట.