Lady CI Anju Yadav : తొడ కొట్టిన లేడీ సీఐ.. వైర‌ల్‌గా మారిన వీడియో..

Lady CI Anju Yadav : తిరుప‌తి జిల్లా సర్కిల్ ఇన్‌స్పెక్ట‌ర్ అంజూ యాదవ్ వివాదాల‌తో చాలా ఫేమ‌స్ అయింది. ఈమె ఎక్కువ‌గా వివాదాల‌తో మీడియాలో తళుక్కుమంటుంది. ఈ మధ్య కాలంలో వివాదాల్లో చిక్కుకుంటూ వార్తల్లో నిలుస్తూ తెరమీదకి వస్తోంది. సత్యవేడు ఎస్ఐగా పనిచేస్తున్న సమయంలోనూ ఇదే దూకుడు ప్రదర్శించిన అంజు యాదవ్.. అదే పంథా కంటిన్యూ చేస్తూ వచ్చింది. 2009 నుంచి 2011 మధ్యకాలంలో తిరుపతి వెస్ట్ సీఐ గా పనిచేస్తున్న సమయంలోనూ పోలీసు శాఖ సిబ్బందినే ఇబ్బంది పెట్టి శాఖా పరమైన విచారణ ఎదుర్కొంది.

రేణిగుంట అర్బన్ సీఐ కూడా అదే దూకుడును ప్రదర్శించి హాట్ టాపిక్ అయింది. దాదాపు ఏడాది క్రితం రేణిగుంట వైసీపీ ఎంపీపీ పట్ల దురుసుగా ప్రవర్తించిన అప్పటి రేణిగుంట అర్బన్ సీఐ యాదవ్.. వైసీపీ నేతలపైనా ఇదే రీతిలో దూకుడు ప్రదర్శించింది. శ్రీకాళహస్తి ఎమ్మెల్యే బియ్యపు మధుసూదన్ రెడ్డి కూతురు పవిత్ర ఆందోళనకు మద్దతుగా నిలవడంతో ఆమెపై కూడా దురుసుగా ప్రవర్తించింది. ఎమ్మెల్యే కూతురు తో సిఐ అంజు యాదవ్ వాగ్వాదానికి దిగడంతో ఆ స‌మ‌యంలో వైసిపి కార్యకర్తలు రెచ్చిపోయారు. దీంతో అంజు యాదవ్ కు ఎమ్మెల్యే కూతురు పవిత్రకు మధ్య మాటల యుద్ధం జర‌గ‌డంతో ఈ ఘటన అప్పట్లో చర్చగా మారింది.

అంజు యాదవ్ శ్రీకాళహస్తి వన్ టౌన్ సిఐ గానే బదిలీ చేసుకుని పంతం నెగ్గించుకుంది. సీఐ అంజూయాదవ్ ఇటీవ‌ల జ‌నసేన కార్య‌క‌ర్త చెంప చెళ్లుమ‌నిపించింది. ఆమె తీరుకు నిరసనగా జనసేన పార్టీ అధినేత పవన్‌ కళ్యాణ్ అమానుషంగా దాడి చేయడాన్ని పవన్‌ కళ్యాణ్ తీవ్రంగా తప్పుబట్టారు. అయితే ఈమె ఇప్పుడు తొడ కొట్ట‌డం సంచ‌ల‌నంగా మారింది. ఓ విష‌యంలో త‌న తొడ గ‌ట్టిగా కొట్టి స‌వాల్ విసిరింది. ఇందుకు సంబంధించిన వీడియో ఇప్పుడు నెట్టింట వైర‌ల్‌గా మారింది.