Naga Chaitanya And Sobhita Dhulipala : 8-8-8.. నాగ చైత‌న్య‌- శోభిత ఎంగేజ్‌మెంట్ తేదీ ప్ర‌త్యేక‌త ఏంటంటే..!

Naga Chaitanya And Sobhita Dhulipala : స‌మంత నుండి విడిపోయిన త‌ర్వాత శోభితతో సీక్రెట్ ఎఫైర్ న‌డిపిన నాగ చైత‌న్య ఎట్ట‌కేల‌కి ఆగ‌స్ట్ 8న ఆమెని నిశ్చితార్థం జ‌రుపుకున్నాడు. ఈ విష‌యాన్ని నాగార్జున త‌న సోష‌ల్ మీడియాలో తెలియ‌జేశారు. ఈరోజు ఉదయం 9:42 గంటలకు వీరిద్దరి నిశ్చితార్థం కుటుంబ సభ్యులు, సన్నిహితుల మధ్య జరిగింది అని అన్నారు. మా కొడుకు నాగ చైతన్య నిశ్చితార్థం శోభిత ధూళిపాళతో జరిగినట్లు తెలియజేయడం మాకు సంతోషంగా ఉంది. శోభితను మా కుటుంబంలోకి స్వాగతించేందుకు సంతోషిస్తున్నాము. సంతోషకరమైన జంటకు అభినందనలు. వారికి జీవితాంతం ప్రేమ, సంతోషం కలగాలని కోరుకుంటున్నాను. 8.8.8 అనంతమైన ప్రేమకు నాంది ”అని రాశారు.

దాంతో 8.8.8 అర్థం ఏంటి..? అనే దానిపై అంద‌రు ఆస‌క్తిగా ఎదురు చూస్తున్నారు. అయితే ఈ పోస్ట్ లో 8.8.8 అంటే ఏంటి అని అందరూ ఆసక్తిగా ఉన్నారు. మొదటి 8 ఈరోజు డేట్, రెండవ 8 ఈ నెలను సూచిస్తుంది. ఇక చివరి 8 ఏంటి అని ఆలోచిస్తున్నారు. 2024లోని నెంబ‌ర్స్‌ని కలిపితే 8 వస్తుంది. అలా లక్కీగా భావించి 8.8.8 అని పెట్టినట్లు తెలుస్తోంది. ఈ 8.8.8కు ఓ ప్రత్యేకత ఉంది. జ్యోతిష్యం, సంఖ్యాశాస్త్రం ప్రకారం ఈ రోజుకు ఓ ప్రాముఖ్యత ఉంది. అదేంటంటే దానిని లయన్స్​ గేట్ పోర్టల్ అంటారు. ఈ రోజు శుభకార్యాలకు అన్ని విధాలా అనుకూలంగా ఉంటుందట. సంఖ్యాశాస్త్రం పరంగా ఆధ్యాత్మికంగా, మానసికంగా, శారీరకంగా బలపడేందుకు ఈ రోజు అనువుగా ఉంటుందని చెబుతుంటారు. న్యూమరాలజీ ప్రకారం ఎనిమిది సంఖ్య అదృష్టం, సంపద, పాజిటివ్ ఎనర్జీకి చిహ్నంగా సూచిస్తారు. అలానే ఇది అంతులేని శక్తివంతమైన రోజుగా చెబుతారు.

జ్యోతిష్యశాస్త్ర పరంగా ఈ లయన్స్ గేట్ పోర్టల్ ఆధ్యాత్మిక, భౌతిక ప్రపంచాల మధ్య శక్తి ప్రవాహాన్ని తెరుస్తుందట. వ్యక్తిగత ఎదుగుదల, ప్రవర్తన, ఆధ్యాత్మిక మేల్కోలుపులకు అనువైన సమయం. ముఖ్యంగా మీ గురించి మీరు తెలుసుకునేందుకు ఉత్తమమైన సమయం అని అంటుంటారు. అందుకే చైతన్య, శోభిత ఆగస్ట్ 8 న నిశ్చితార్థం జరుపుకున్నారని అంటున్నారు. ఈ నిశ్చితార్థానికి ఇరు కుటుంబాల సభ్యులు, అత్యంత సన్నిహితులు మాత్రమే హాజరైయ్యారు. వీళ్ల పెళ్లి తేదీపై కూడా త్వరలోనే ఓ అధికార ప్రకటన కూడా రానుంది.