Dasara Movie : నేచుర‌ల్ స్టార్ నాని నటించిన రా చిత్రం దసరా. భారీ అంచ‌నాల న‌డ‌మ ప్రేక్ష‌కుల ముందుకు వ‌చ్చిన ఈ చిత్రం ప్రేక్ష‌కుల‌ని ఎంత‌గానో మెప్పించింది. పూర్తి రా అండ్ రస్టిక్ మూవీగా ఈ సినిమాను దర్శకుడు శ్రీకాంత్ ఓదెల తెరకెక్కించిన తీరు ప్రేక్షకులను ఆకట్టుకోవడంతో సినిమాకి మంచి మార్కులు ప‌డ్డాయి. రిలీజ్ అయిన అన్ని చోట్లా ఈ సినిమాకు సాలిడ్ రెస్పాన్స్ వస్తుండటంతో దసరా మూవీ ఎలాంటి రికార్డులను క్రియేట్ చేస్తుందా అని సినీ ఎక్స్‌పర్ట్స్ ఇప్ప‌టి నుండే లెక్క‌లు వేస్తున్నారు. ఇక ఈ సినిమా ఓటీటీ పార్ట్‌నర్‌ను లాక్ చేసుకుంది. ప్రముఖ ఓటీటీ ప్లాట్‌ఫాం నెట్‌ఫ్లిక్స్ దసరా చిత్ర డిజిటల్ రైట్స్‌ను సొంతం చేసుకుంది.
ఈ సినిమా ఓటీటీ స్ట్రీమింగ్‌ను థియేట్రికల్ రన్ ముగిసిన తరువాత స్ట్రీమ్ చేయ‌నున్నారు. ఈ రైట్స్ కోసం నెట్‌ఫ్లిక్స్ చిత్ర నిర్మాతలకు భారీ మొత్తాన్ని ఇచ్చినట్లుగా తెలుస్తోంది. ఇక అజయ్ దేవగన్ నటించిన భోలా విషయానికొస్తే, ఈ చిత్రం ఓటీటీ హక్కులు అమెజాన్ ప్రైమ్ వీడియో ద‌క్కించుకుంది. సౌత్ బ్లాక్ బస్టర్ ఖైతీకి హిందీ రీమేక్ ఇది. తమిళ స్టార్ శింబు ప్రధాన పాత్రలో నటించిన పాతు తాల విషయానికొస్తే, ఈ చిత్రం ఓటీటీ హక్కులు కూడా అమెజాన్ ప్రైమ్ వీడియో క‌లిగి ఉంది.. ఈ చిత్రం సరైన యాక్షన్ థ్రిల్లర్‌గా ఉంటుందని సమాచారం.
అలాగే, ధనంజయ ప్రధాన పాత్రలో గురుదేవ్ హొయసాల అనే కన్నడ చిత్రం హక్కులు కూడా అమెజాన్ ప్రైమ్ వీడియో ద‌క్కించుకుంది. థియేట్ర‌కిల్ రన్ పూర్తైన కొద్ది రోజుల‌కి ఈ సినిమాలు ఓటీటీలో సంద‌డి చేయ‌నున్నాయి. అయితే దసరా విష‌యానికి వ‌స్తే ఈ చిత్రం భారీ వ‌సూళ్ల‌ని రాబ‌ట్టేలా క‌నిపిస్తుంది. ఈ సినిమాకు సంతోష్ నారాయణన్ సంగీతం మేజర్ అసెట్‌గా నిలిచింది. ఈ మూవీ సాంగ్స్ ఇప్పటికే చార్ట్‌బస్టర్స్‌లో టాప్ ప్లేస్‌లో దూసుకెళ్తున్నాయి. మరి దసరా చిత్రాన్ని నెట్‌ఫ్లిక్స్ ఎప్పుడు ఓటీటీ స్ట్రీమింగ్ చేస్తుందో చూడాలి. థియేట‌ర్స్‌లో ఈ చిత్రాన్ని చూడ‌డం మిస్ చేసుకున్న‌వారు క‌నీసం ఓటీటీలో అయిన ఈ చిత్రాన్ని చూసి తీరాల్సిందే.
