సోషల్ మీడియాలో ఇటీవ‌ల త్రో బ్యాక్‌ ట్రెండ్‌ నడుస్తోంది. ముఖ్యంగా సినిమా రంగానికి చెందిన సెలబ్రిటీల పాత ఫొటోలు, చిన్నప్పటి ఫొటోలని నెటిజ‌న్స్ తెగ వైరల్ చేస్తున్నారు. ముఖ్యంగా పుట్టిన రోజు స‌మ‌యంలో వారికి సంబంధించిన అనేక ఫొటోలు బ‌య‌ట‌కు వ‌స్తున్నాయి. తాజాగా టాలీవుడ్‌లో హ్యాండ్సమ్‌ హీరోగా గుర్తింపు తెచ్చుకున్న నితిన్ సోదరి ఈ విధంగా త్రో బ్యాక్‌ ఫొటోతో బర్త్ డే విషెస్ చెప్పింది. ఇందులో నితిన్ బుల్లిగా చాలా క్యూట్‌గా క‌నిపిస్తున్నాడు. నితిన్ సోదరి, నిర్మాత నిఖితారెడ్డి సోషల్ మీడియా వేదికగా హీరోకు ఈ ఫోటో షేర్ చేస్తూ.. బర్త్‌డే విషెస్ చెప్పింది.
ఇందులో ఆమెతో పాటు చిన్నప్పటి నితిన్ కూడా చూడవచ్చు. ప్రస్తుతం ఈ ఫొటో సోషల్ మీడియాలో వైరల్‌గా మారింది. పలువురు ప్రముఖులు, అభిమానులు, నెటిజన్లు నితిన్‌కు శుభాకాంక్షలు తెలుపుతున్నారు. ఇక సినిమాల విషయానికొస్తే. ఇటీవలే వెంకీ కుడుములతో కలిసి మరో ప్రాజెక్టును పట్టాలెక్కించాడు నితిన్. రష్మిక మంధన్నా హీరోయిన్‌గా కనిపించనుంది. నితిన్ .. పవర్‌స్టార్‌ పవన్‌ కల్యాణ్‌కు పెద్ద ఫ్యాన్. ఆయనను స్ఫూర్తిగా తీసుకునే సినిమా ఇండస్ట్రీలోకి వచ్చాడని పలు సందర్భాల్లో చెప్పుకొచ్చారు. అయితే నితిన్ బర్త్ డే సంద‌ర్భంగా ఆయనకు చాలా మంది సోషల్ మీడియాలో విషెస్ ల వర్షం కురిపిస్తున్నారు.
నితిన్ కు ఆయ‌న భార్య షాలిని ముద్దు పెడుతూ క్యూట్ గా విషెష్ చెప్పడం విశేషం. నితిన్ క్లోజ్ ఫ్రెండ్ నీరజా కోన నితిన్ 40లోకి వచ్చాడని ఆయనకు వెల్కమ్ చెప్పారు. ‘ఛలో ‘భీష్మ సినిమాలతో తన ఖాతాలో భారీ విజయాలను నమోదు చేసుకున్నాడు వెంకీ కుడుములతో కలిసి నితిన్ ఓ సినిమా చేయ‌బోతుండ‌గా, ఈ సినిమా కథ ఓ ప్రాణాంతకమైన డిసీజ్ తో చావుకి దగ్గరగా ఉన్న ఓ వ్యక్తి కథ అని ఆ మధ్య వార్తలు వచ్చాయి. మరో నెల రోజుల్లో చనిపోతాను అని తెలుసుకున్న వ్యక్తి ఎలా ఫీల్ అయ్యాడు ?, తన జర్నీని ఎంత హ్యాపీగా మార్చుకున్నాడు?, చుట్టూ ఉన్న జనం అతని పై చూపించే సింపతీకి అతను ఎలా ఇరిటేట్ అయ్యాడు ? అనే కోణంలో చాలా ఫ‌న్నీగా ఈ చిత్రాన్ని రూపొందించ‌బోతున్న‌ట్టు తెలుస్తుంది.
