Priyadarshi : ఇటీవ‌లి కాలంలో చిన్న సినిమాగా విడుద‌లై పెద్ద విజ‌యం సాధించిన చిత్రం బలగం. ఈ మూవీకి ప్ర‌తి ఒక్క‌రు నీరాజ‌నాలు ప‌లికారు. కమెడియన్ వేణు ఈ చిత్రానికి దర్శకత్వం వహించారు. కెరీర్ ప్రారంభంలో కమెడియన్ గా ప్రేక్షకులకు పరిచయమైన వేణు జబర్దస్త్ షోలో తన కామెడీతో ఎంతోమంది అభిమానులకి వినోదాన్ని పంచాడు. ఈ క్రమంలోనే . వేణు బలగం సినిమాను తెరకెక్కించాడు. ఈ చిత్రంలో హీరోగా ప్రియదర్శి, హీరోయిన్ గా కావ్య కళ్యాణ్ రామ్ నటించారు. చాలా సినిమాల్లో హీరోకి ఫ్రెండ్ గా నటించిన ప్రియదర్శి ఈ చిత్రంలో హీరోగా క‌నిపించి అల‌రించాడు.
థియేట‌ర్‌లో అల‌రించిన బలగం ఓటీటీలోను ర‌చ్చ చేస్తుంది. ఈ మూవీని ప్రముఖ ఓటీటీ సంస్థ అయిన అమెజాన్ ప్రైమ్ వీడియో సొంతం చేసుకుంది. ఈ సినిమాలో అన్ని పాత్రలు అద్భుతంగా ఉన్నాయి. ఇందులో ప్రియదర్శి చేసిన సాయిలు పాత్ర కీలకం. క్లైమాక్స్ లో ప్రియదర్శి నటనకు ప్రశంసలు వస్తున్నాయి. ఇలాంటి సాయిలు పాత్రకు ముందుగా ప్రియదర్శిని అనుకోలేదట. కథను రాసుకున్నప్పుడు కాస్త మార్కెట్ గురించి కూడా ఆలోచించిన వేణు కమర్షియల్ మార్కెట్ ఉన్న హీరో కావాలనే ఉద్దేశంతో శ్రీవిష్ణును హీరోగా తీసుకోవాలని అనుకున్నాడ‌ట. అయితే తాను తెలంగాణ భాషన్ పర్ ఫెక్ట్ గా పలకలేననే ఉద్దేశంతో నో చెప్పాడ‌ట.
అప్పుడు త‌ర్వతి ఆప్ష‌న్‌గా ద‌ర్శిని తీసుకున్నారు. రియలస్టిక్ గా ఉండాలని అనుకున్నప్పుడు ప్రియదర్శి అయితేనే ఈ పాత్రకు న్యాయం చేస్తాడని అత‌నిని తీసుకోగా, నూటికి నూరు శాతం న్యాయం చేశాడు. మేక‌ర్స్ అనుకున్నట్టు గానే ఆయన పాత్రలో ఒదిగిపోయాడు అంటూ చెప్పుకొచ్చాడు వేణు. ఇదిల ఉంటే డైరెక్టర్ వేణు బలగం స్టోరీని దిల్ రాజుకు చెప్పిన సమయంలో సాయిలు పాత్రను వేణునే చేయాలని అనుకున్నారట. కానీ తర్వాత ఇతర నటుడిని తీసుకుంటే బాగుంటుంది అనే ఉద్దేశంతో ప్రియదర్శి పేరును దిల్ రాజు సూచించారని ప్రియదర్శి అన్నాడు. అలా సాయిలు పాత్ర తన వరకు వచ్చిందని స్వయంగా ప్రియదర్శి చెప్పాడు. ఒకవేళ వేణునే సాయిలు పాత్ర చేసి ఉంటే ఒక మంచి సినిమాలో తాను భాగం అయ్యే వాడిని కాదని ఓ ఇంట‌ర్వ్యూలో అన్నాడు.
