Bhola Shankar : మెగాస్టార్ చిరంజీవి తాజా చిత్రం భోళా శంకర్ మెహర్ రమేష్ దర్శకత్వంలో శరవేగంగా షూటింగ్ జరుపుకుంటున్న విషయం తెలిసిందే. మిల్కీ బ్యూటీ తమన్నా ఫీ మేల్ లీడ్ రోల్లో నటిస్తోంది. వేదాళమ్ రీమేక్గా వస్తున్న భోళా శంకర్ చిత్రీకరణ్ హైదరాబాద్, కోల్కతా లొకేషన్లలో జరుపుకుంటుంది. షూటింగ్ జరుపుకుంటున్నప్పుడు తీసిన స్టిల్స్ ఇప్పటికే నెట్టింట హల్ చల్ చేస్తున్నాయి.రీసెంట్గా స్విట్జర్లాండ్లో అందమైన లొకేషన్లలో చిరంజీవి, తమన్నాపై వచ్చే సాంగ్ను షూట్ చేసారు. ఇదే విషయాన్ని సోషల్ మీడియా ద్వారా అందరితో పంచుకున్నాడు చిరు.
స్విట్జర్లాండ్లో కండ్లు చెదిరే అందాలతో మైమరిపించే లొకేషన్స్ లో తమన్నాతో సాంగ్ షూటింగ్ ఎంతో ఆహ్లాదంగా జరిగింది. ఈ పాట ప్రేక్షకులందరినీ, అభిమానులందరినీ బాగా మెప్పిస్తుందని చెప్పగలను. త్వరలోనే మరిన్ని సంగతులు పంచుకుందాం..అప్పటివరకూ ఈ ‘చిరు లీక్స్’ పిక్స్ అంటూ షేర్ చేసిన స్టిల్స్ నెట్టింట హల్ చల్ చేస్తున్నాయి మహతి స్వర సాగర్ ఈ పాట కోసం రాకింగ్ నెంబర్ని స్కోర్ చేశారు. సినిమాకు సంబంధించిన పోస్ట్ ప్రొడక్షన్ పనులు కూడా శరవేగంగా జరుగుతున్నాయి.
క్రియేటివ్ కమర్షియల్స్తో కలిసి అనిల్ సుంకర ఎకె ఎంటర్టైన్మెంట్స్ నిర్మిస్తున్న ఈ కమర్షియల్ ఎంటర్టైనర్లో ఎమోషన్స్, ఎంటర్టైన్మెంట్, యాక్షన్ సమపాళ్లలో ఉండనున్నాయి. ఇందులో కీర్తి సురేష్, చిరంజీవి సిస్టర్గా కనిపించనుంది. టాలెంటెడ్ యాక్టర్ సుశాంత్ ఈ సినిమాలో లవర్ బాయ్ పాత్రలో నటిస్తున్నాడు. అంతేకాక సీనియర్ హీరో శ్రీకాంత్ మేక కుమారుడు రోషన్. పెళ్లి సందD చిత్రంతో బిగ్ హిట్ను ఖాతాలో వేసుకున్న అతడు.. ‘భోళా శంకర్’ మూవీలో ఓ గెస్టు రోల్ను చేస్తున్నాడట. ఇందులో చిరంజీవితో కలిసి ఓ పాటలో స్టెప్పులు కూడా వేయబోతున్నాడని టాక్. దీనిపై క్లారిటీ రావలసి ఉంది. . ‘భోళా శంకర్’ ఆగస్టు 11న ప్రపంచవ్యాప్తంగా గ్రాండ్గా విడుదల కానుంది.
