Suriya : మెగాస్టార్ చిరంజీవికి ఎల్ల‌లు, హ‌ద్దులు లేవు. ఆయ‌న‌కి తెలుగు రాష్ట్రాల‌లోనే కాదు దేశ వ్యాప్తంగా ఫుల్ క్రేజ్ ఉంది. చిరంజీవికి సినీ పరిశ్రమలో కూడా ఎంతో మంది అభిమానులు ఉన్నారు. ఆయన గురించి చెప్పాలంటూ ఒక్క రోజు కూడా స‌రిపోదు. ఓ సారి త‌మిళ స్టార్ హీరో సూర్య తన సినిమా ప్ర‌మోష‌న్ లో భాగంగా చిరంజీవి గురించి ఆస‌క్తిక‌ర కామెంట్స్ చేశారు. నేను ఆగ‌రం ఫౌండేష‌న్‌ను స్థాపించాను. ఈరోజు నేను చేస్తున్న సేవా కార్య‌క్ర‌మాల గురించి అంద‌రూ మాట్లాడుతున్నారు. కానీ నాకు స్వ‌చ్ఛంద సంస్థ‌ను ప్రారంభించ‌డానికి ఇన్‌స్పిరేష‌న్ ఇచ‌చింది మాత్రం చిరంజీవిగారే. ర‌క్త‌దానానికి సంబంధించిన కొన్ని ల‌క్ష‌ల మందిలో ఆయన మార్పును తీసుకొచ్చారు. అందులో కొంతైనా నేను చేయాల‌నిపించి ఆగ‌రం ఫౌండేష‌న్‌ను స్టార్ట్ చేశాను అని అన్నారు.
సినీ పరిశ్రమలో నాకు మెగాస్టార్ చిరంజీవి గారు స్ఫూర్తి. ఆయన బ్లడ్ బ్యాంక్ ద్వారా అందిస్తున్న సేవల గురించి తెలుసుకుని, నేను స్ఫూర్తి పొంది.. అగరం ఫౌండేషన్ ను స్థాపించి సేవలు అందిస్తున్నాను” అని సూర్య తెలిపారు. మా ఫౌండేషన్ నుంచి ఈరోజున 5వేల మంది తొలి త‌రం పిల్ల‌లు కాలేజీకి వెళుతున్నారు. కంఫ‌ర్ట్ జోన్‌లో ఉండ‌కూడ‌దు. మ‌నిషి అలా అనుకుంటే ఎదుగుద‌ల ఉండ‌దు. కంఫ‌ర్ట్ జోన్ నుంచి బ‌య‌ట‌కు వ‌చ్చిన‌ప్పుడే మార్పు ఉంటుంది. మ‌న హృద‌యం ఏది చెబితే అది చేయండి. దాని కోసం క‌ష్ట‌ప‌డండి. క‌రోనా స‌మ‌యంలో అంద‌రూ త‌మ చుట్టూ ఉన్న వారికి సాయ‌ప‌డ్డారు. అలాగే ముందుకు వెళ‌దాం. అంద‌రికీ మంచి భ‌విష్య‌త్తు ఉంది’’ అన్నారు.
ఇక సూర్య హీరోగా కంగువా అనే చిత్రం రూపొందుతుండ‌గా, ఈ మూవీపై భారీ అంచ‌నాలు ఉన్నాయి. బాలీవుడ్ స్టార్ బ్యూటీ దిశా పటాని హీరోయిన్ గా దర్శకుడు శివ దర్శకత్వంలో తెరకెక్కుతున్న భారీ పాన్ ఇండియా చిత్రంగా “కంగువా” రూపొందుతుంది.. ఈ చిత్రం కోసం అయితే మళ్లీ సూర్య చాన్నాళ్ల తర్వాత తనదైన మెకోవర్ ని రెడి చేస్తున్నాడు. సూర్య చాలా కాలం తర్వాత తన బీస్ట్ మోడ్ ని కనబరుస్తున్నాడని ఫ్యాన్స్ అయితే ఫుల్ ఖుషి అయిపోయారు. ఇక ఈ భారీ చిత్రానికి దేవిశ్రీప్రసాద్ సంగీతం అందిస్తుండగా గ్రీన్ స్టూడియోస్ వారు అలాగే యూవీ పిక్చర్స్ వారు నిర్మాణం వహిస్తున్న సంగతి తెలిసిందే. ఇక ఈ చిత్రాన్ని మేకర్స్ వరల్డ్ వైడ్ 10 భాషల్లో 3డి లో రిలీజ్ చేస్తున్నారు.
