Lawrence : మొదట్లో సైడ్ డాన్సర్ గా కెరియర్ మొదట పెట్టిన లారెన్స్ ఆ తర్వాతి కాలంలో కొరియోగ్రాఫర్, యాక్టర్, డైరెక్టర్, ప్రొడ్యూసర్ గా మారి ఇప్పుడు హీరోగా కూడా సినిమాలు చేస్తున్నారు. గతంలోనే అనేక సినిమాలతో హిట్లు అందుకున్న ఆయన ఇప్పుడు చంద్రముఖి లాంటి సినిమాకి సీక్వెల్ గా వచ్చిన చంద్రముఖి 2తో ప్రేక్షకులను పలకరించేందుకు సిద్ధమవుతున్నాడు. అయితే ఈ మూవీ ప్రీ రిలీజ్ ఈవెంట్ రీసెంట్‌గా హైద‌రాబాద్‌లో జ‌ర‌గ‌గా, ఆ కార్య‌క్ర‌మంలో మ‌ణికంఠ త‌న డ్యాన్స్ ప‌ర్‌ఫార్మెన్స్‌తో అద‌ర‌గొట్టాడు. మ‌ణికంఠ డ్యాన్స్ ప‌ర్‌ఫార్మెన్స్‌కి ఫిదా అయిన లారెన్స్ ఆయ‌న‌ని గ‌ట్టిగా హ‌త్తుకొని ఎమోషనల్ అయ్యాడు. ఒక్క‌సారి త‌న‌ని తాను గుర్తు చేసుకున్నాడు.
ప్ర‌స్తుతం మ‌ణికంఠ‌ని లారెన్స్ హ‌గ్ చేసుకున్న ఫోటోలు, వీడియోలు నెట్టింట వైరల్ అవుతున్నాయి. స్టార్ కొరియోగ్రాఫర్, యాక్టర్, ప్రొడ్యూసర్, డైరెక్టర్ రాఘవ లారెన్స్ హీరోగా, బాలీవుడ్ స్టార్ హీరోయిన్ కంగనా ర‌నౌత్ టైటిల్ పాత్ర‌లో న‌టించిన భారీ బ‌డ్జెట్ మూవీ ‘చంద్రముఖి 2’. అగ్ర నిర్మాణ సంస్థ లైకా ప్రొడక్ష‌న్స్ బ్యాన‌ర్‌పై సుభాస్క‌ర‌న్ నిర్మించిన ఈ చిత్రాన్ని సీనియ‌ర్ డైరెక్టర్ పి.వాసు తెర‌కెక్కించారు.తెలుగు, త‌మిళ, హిందీ, కన్నడ, మలయాళ భాష‌ల్లో పాన్ ఇండియా మూవీగా సెప్టెంబ‌ర్ 28న ఈ సినిమా విడుద‌ల‌వుతుంది. తెలుగు రాష్ట్రాల్లో ‘చంద్రముఖి 2’ చిత్రాన్ని శ్రీ లక్ష్మీ మూవీస్ బ్యాన‌ర్‌పై రిలీజ్ చేస్తున్నారు.
ప్రీ రిలీజ్ వేడుక‌లో లారెన్స్ ఎమోషనల్ కామెంట్స్ చేశారు. చిరు, నాగ్, రజినీలను తలుచుకుంటూ కీలక విషయాలు ప్రస్తావించారు. దీంతో ఇప్పుడు లారెన్స్ చేసిన కామెంట్స్ వైరల్ అవుతున్నాయి. రెబల్ తరువాత నాకు డైరెక్షన్ చేసే టైం కుదరలేదు. ఇలా చంద్రముఖి 2 సినిమాతో మీ ముందుకు వస్తున్నాను. తెలుగు ప్రేక్షకులు ఏమీ ఆశించకుండా ప్రేమిస్తుంటారు. నేను ఎప్పుడూ దేవుడ్ని చూడలేదు. ఈ ప్రేమ పేరే దేవుడని అనుకుంటున్నాను. నేను డ్యాన్స్ కంపోజ్ చేసిన ప్రతీ హీరో అభిమాని నాకు ఫ్యాన్ అయ్యారు. నాకు ఛాన్స్ ఇచ్చిన హీరోలందరికీ థాంక్స్. రజినీకాంత్ గారు లేకపోతే నేను ఇక్కడ ఉండేవాడ్ని కాదు. మెగాస్టార్ చిరంజీవి గారు లేకపోతే మీ అభిమానం నాకు వచ్చేది కాదు. డైరెక్షన్ ఛాన్స్‌ను నాగార్జున గారు ఇచ్చారు. కీరవాణి గారికి మ్యూజిక్ తప్పితే ఇంకేం తెలియదు. అదే లోకంలో ఉంటారు. ఆయన సంగీత సారధ్యంతో మేం పని చేయడం ఆనందంగా ఉంది అన్నారు లారెన్స్.
