Srikanth And Raasi : టాలీవుడ్ సీనియర్ యాక్టర్స్లో రాశి, శ్రీకాంత్ చేసిన సందడి ప్రత్యేకంగా చెప్పనక్కర్లేదు. వీరిద్దరు కలిసి అనేక చిత్రాల్లో నటించి అలరించారు. ఈ జోడికి ప్రత్యేకంగా అభిమానులు ఉన్నారు. అమ్మో ! ఒకటో తారీఖు.. ప్రేయసి రావే, దీవించండి, సరదా సరదాగా, మా ఆవిడమీద ఒట్టు మీ ఆవిడ చాలా మంచిది వంటి సూపర్ హిట్ చిత్రాల్లో నటించి మెప్పించారు. అయితే రాశీ పెళ్లైన తర్వాత సినిమాలకి దూరంగా ఉంటూ వచ్చింది.ప్రస్తుతం బుల్లితెరపైకి రీఎంట్రీ ఇచ్చిన సంగతి తెలిసిందే. జానకి కలగనలేదు సీరియల్ ద్వారా మరోసారి తెలుగు ప్రేక్షకుల ముందుకు వచ్చారు రాశి. మరోవైపు చేతి నిండా సినిమాలతో శ్రీకాంత్ బిజీగా ఉన్నారు.
చాలా కాలం తర్వాత వీరిద్దరు జంటగా ఒకే వేదికపై కనిపించారు. దీంతో వీరిని ఇలా కలిసి ఒకే స్టేజ్ పై చూసిన అభిమానులు సంతోషం వ్యక్తం చేస్తూ క్రేజీ కామెంట్స్ చేస్తున్నారు. హైదరాబాద్ వేదికగా జరిగిన రుద్రంకోట సినిమా ప్రీ రిలీజ్ వేడుకలో రాశి, శ్రీకాంత్ పాల్గొన్నారు. ఇద్దరు స్టేజ్ పై పక్క పక్కనే నిలబడి ఉన్నారు. కాసేపటి శ్రీకాంత్, రాశి ఒకరినొకరు చూసి నవ్వుకున్నారు. ఆ తర్వాత శ్రీకాంత్ నవ్వుతుండగా.. రాశి సరదాగా ఆయనను కొట్టింది. ప్రస్తుతం ఈ వీడియో సోషల్ మీడియాలో వైరలవుతుండగా.. అప్పటి సూపర్ హిట్ జోడిని ఒకే స్టేజ్ పై చూసి వీడియో తెగ షేర్ చేస్తున్నారు. వీరిద్దరు కలిసి మరోసారి తెరమీద కనిపిస్తే బాగుంటుందని.. ఇద్దరు పాత స్నేహితులు కలిస్తే ఇలాగే ఆనందంగా ఉంటారంటూ కామెంట్స్ చేస్తున్నారు.
శ్రీకాంత్ రాశి పలు సినిమాలలో నటిస్తూ తమ నటనతో ప్రేక్షకులను ఆకట్టుకోవటం వల్ల చాలామంది వీరిద్దరూ నిజమైన భార్య భర్తలు లాగే ఉన్నారని భావించేవారు దీంతో వీరిద్దరి మధ్య ఏదో ఎఫైర్ ఉంది అంటూ అప్పట్లో పెద్ద ఎత్తున వీరీ గురించి వార్తలు వచ్చాయి.ఇలా ఒక హీరో హీరోయిన్ కలిసినటిస్తే వారి గురించి ఇలాంటి వార్తలు రావడం సర్వసాధారణం శ్రీకాంత్ రాశి ఇద్దరు కూడా ఈ వార్తలను పెద్దగా పట్టించుకోలేదు.
