Posani Krishnamurali : ఏపీ రాష్ట్ర పరిస్థితుల గురించి రాష్ట్ర ఫిలిం డెవలప్ మెంట్ కార్పొరేషన్ ఛైర్మన్ పోసాని కృష్ణ మురళి ఎప్పటికప్పుడు వివాదాస్పద వ్యాఖ్యలు చేస్తూ వార్తలలో నిలుస్తుండడం మనం చూస్తూనే ఉన్నాం. కొద్ది రోజులుగా చంద్రబాబు ఆరోగ్యంపై అనేక వార్తలు వస్తుండడం మనం చూస్తూనే ఉన్నాం. టీడీపీ అధినేత చంద్రబాబు ఆరోగ్యం చుట్టూనే ఏపీ రాజకీయాలు నడుస్తున్న సంగతి తెలిసిందే. రాజమండ్రి జైలులో ఏం జరుగుతోంది..? చంద్రబాబు ఆరోగ్యంపై ఒక్కోలా ప్రకటనలు వస్తుండటం, ఐదు కిలోల బరువు తగ్గారని ఆయన సతీమణి నారా భువనేశ్వరి ట్విట్టర్ వేదికగా చెప్పడంతో హైటెన్షన్ నెలకొంది. ఈ క్రమంలో లోకేష్ ఢిల్లీ నుంచి రాజమండ్రికి రావాల్సి వచ్చింది. ఈ విషయంపై టీడీపీ ముఖ్యనేతలతో రాజమండ్రి క్యాంప్ ఆఫీసులో లోకేష్ భేటీ అయ్యి.. ఎలా ముందుకెళ్దాం..? అని నిశితంగా చర్చించే అవకాశాలు మెండుగా ఉన్నాయి.
అయితే లోకేష్, భువనేశ్వరి, పురంధేశ్వరి చేసే కామెంట్స్ కి సంబంధించి పోసాని మాట్లాడుతూ.. చంద్రబాబు జైల్లో ఉండి కుట్ర పన్నేందుకు ప్లాన్స్ చేస్తున్నారు. బాబుకి మంచి భోజనం భువనేశ్వరి పంపడం లేదా?మహాత్మగాంధీ లాంటి వారు జైల్లో ఉన్నప్పుడు తన ఆరోగ్యం గురించి ఏ మాత్రం ఆలోచించలేదు. అది నిబద్ధత. కాని ఇప్పుడు చంద్రబాబు సన్నబడ్డారని, బరువు తగ్గారని నానా హంగామా చేస్తున్నారు. ఎన్టీఆర్ని చెప్పులతో కొట్టించి ఆయనని చాలా హీనంగా చూసినప్పుడు కూతుళ్లు, కొడుకులు ఏమైపోయారు. ఇప్పుడు మాత్రం చంద్రబాబు విషయంలో చాలా హంగామా చేస్తున్నారని అన్నారు.
ఎన్టీఆర్కి ఎవరు తోడు లేకపోవడంతో లక్ష్మీ పార్వతిని ఆయన పెళ్లి చేసుకున్నారు. అప్పుడు ఆమెని వేశ్య అని చంద్రబాబు ప్రచారం చేయించారు. ఆయనపై అసహ్యం వచ్చి ఉమ్ము ఊసి వెళ్లిపోయాడు. లక్ష్మీ పార్వతి వలన ఆయన మూడేళ్లు ఎక్కువ కాలం బ్రతికారు. కూతుళ్లు, కొడుకులు, అల్లుడు ఎవరు ఆయనకి మిగల్చలేదు. అప్పుడు చంద్రబాబు చేసిన అరాచకం వల్లనే ఇప్పుడు ఆయన అంత ఇబ్బందులు పడుతున్నాడని పోసాని చెప్పుకొచ్చారు.
