TDP Song : ఏపీలో ఎల‌క్ష‌న్స్ ద‌గ్గ‌ర ప‌డుతున్న నేప‌థ్యంలో ప్ర‌చారం ఊపందుకుంది. ఎవ‌రికి వారు త‌మ‌దైన శైలిలో ప్ర‌చారాలు చేసుకుంటున్నారు.టీడీపీ, జనసేన పార్టీలు కలసికట్టుగా కదం తొక్కుతున్నాయి. రా కదలి రా పేరిట అప్పటికే బహిరంగ సభలు నిర్వహిస్తుండగా… తాజాగా భాగస్వామ్య స్ఫూర్తితో ఎలక్షన్ స్పెషల్ సాంగ్ ను విడుదల చేశారు. ఇందులో “నినదించర గళం విప్పి, నిలదీయర గల్ల పట్టి… నిలవాలిర పిడికిలెత్తి… తెలుగుదేశ సైనికా…! ప్రతి అడుగొక పిడుగులాగ… గెలుపు మోకరిల్లే దాక… ప్రతినబూని కదలి రారా… జనసేన సేవకా…! అభివృద్ధికి అర్థమైన దార్శనికుని (చంద్రబాబు) స్ఫూర్తిగా… రాష్ట్ర ప్రగతే ముఖ్యమన్న పవనన్నకి అండగా…ఉడుకెత్తిన నెత్తురే ఒకనిప్పుటేరు (లోకేశ్) లాగ… కదిలిరా… కదలిరా… కదలిరా… పిలుస్తోంది పిలుస్తోంది తెలుగుదేశం రారా పదం కలిపి నడుస్తోన్న జనసేనతో రారా…” అంటూ ఈ గీతం సాగింది.
ఇక తాజాగా మ‌రో సాంగ్ కూడా ప్ర‌కంప‌న‌లు సృష్టిస్తుంది. పేదోడికి ధైర్యాన్ని పెంచిన జెండా.. పెద్దాయ‌న మ‌న‌కిచ్చిన ప‌సుపిచ్చిన జెండా… చంద్ర‌న్నేమ‌న అంద‌రి అండ‌దండ.. చైత‌న్యం లోకేషుడు మ‌న గుండెల నిండా అంటూ ఈ పాట సాగింది. రిలీజైన ఒక్క పూటలోనే టీడీపీ మాస్ సాంగ్ యూట్యూబ్‌ని షేక్ చేస్తుంది. తెలుగు త‌మ్ముళ్లకి ఈ పాట తెగ బూస్ట‌ప్ ఇస్తుంది. ప్రతి ఒక్క‌రు కూడా ఈ పాట‌కి ఫిదా అవుతున్నారు. ఇక ఇదిలా ఉంటే ఈ సారి ఎలా అయిన కూడా అధికారంలోకి రావాల‌ని టీడీపీ ప్ర‌య‌త్నాలు చేస్తుంది. జనసేనతో పొత్తు పెట్టుకొని ప్ర‌చారంలో ముందుకు సాగుతుంది.
చంద్రబాబు అరెస్టు అయిన తర్వాత ప్రభుత్వం మరింత నియంతలా వ్యవహరిస్తోందనే నినాదాన్ని ప్రజల్లోకి విరివిగా తీసుకెళ్తున్నారు. టీడీపీ ప్ర‌య‌త్నాలు ఈ సారి బాగా వ‌ర్క‌వుట్ అవుతున్నాయ‌ని కొంద‌రు చెప్పుకొస్తున్నారు. వారు చేస్తున్న ప్రతి ప్ర‌య‌త్నం కూడా పాజిటివ్‌గానే ఉంద‌ని, ఈ సారి చంద్రబాబు సీఎం కావ‌డం ఖాయ‌మ‌ని కూడా కొంద‌రు అంటున్నారు.
