Renu Desai : బ‌ద్రి సినిమాతో తెలుగు ప్రేక్ష‌కుల మ‌న‌సుల‌లో చెర‌గ‌ని ముద్ర వేసుకుంది రేణే దేశాయ్. ఆమె మ‌ల్టీ టాలెంట్ గురించి ప్ర‌త్యేకంగా చెప్ప‌న‌క్క‌ర్లేదు. నటిగా, టెలివిజన్ షోస్ జ‌డ్జిగా కనిపిస్తున్నారు. కొన్నాళ్ల క్రితం రేణూ పూణే నుండి మకాం హైదరాబాద్ కి మార్చింది. దర్శకురాలిగా కొన్ని ప్రాజెక్ట్స్ చేయనున్నట్లు వెల్లడించారు. అలాగే ఆద్య టైటిల్ తో ఓ వెబ్ సిరీస్ చేస్తున్నట్లు రేణూ దేశాయ్ ఇంటర్వ్యూలో వెల్లడించారు. ఇక రవితేజ మూవీతో వెండితెర రీ ఎంట్రీ ఇస్తుంది. ఇందులో రేణూ దేశాయ్ పాత్ర ఆస‌క్తిక‌రంగా ఉండ‌నున్న‌ట్టు తెలుస్తుంది.
రీసెంట్‌గా రేణూ దేశాయ్ తన రీఎంట్రీ మూవీ సెట్‌లోకి అడుగు పెట్టేసింది. ఈ విష‌యాన్ని ఇన్‌డైరెక్ట్‌గా తెలియ‌జేసిన రేణూ.. ఎండలు దంచికొడుతున్నాయో ఏమో గానీ సెట్‌లో అంద‌రు గొడుగులు పట్టుకున్నారు అంటూ లొకేష‌న్ వీడియోను షేర్ చేస్తూ పోస్ట్ పెట్టింది. అయితే ఈ వీడియోలో తన లుక్ ని ఎక్కడా రివీల్ చేయ‌క‌పోవ‌డం విశేషం. రేణూ దేశాయ్ గత కొన్ని రోజుల నుంచి విదేశాల్లో విహరిస్తోంది. స్కాట్లాండ్‌లో గత కొన్ని రోజులుగా సందడి చేస్తోంది. తన పిల్లలు ఆద్య, అకీరా నందన్‌లతో కలిసి విహరిస్తోంది. అలా స్కాట్లాండ్‌ వీధుల్లో రేణూ దేశాయ్ చేసే సందడిని ఎప్పటికప్పుడు షేర్ చేస్తూనే ఉంది.
ప్రేమ వివాహం చేసుకున్న పవన్ కళ్యాణ్, రేణూ దేశాయ్ 2016లో విడాకులు తీసుకొని విడిపోయారు. వీరి ఇద్దరు పిల్లలు అకీరా, ఆద్య అమ్మ రేణూ దేశాయ్ దగ్గరే పెరుగుతున్నారు. విడాకుల అనంతరం రేణూ పూణే వెళ్లిపోయారు. అక్కడే ఆమె కెరీర్ స్టార్ట్ చేశారు. మరోవైపు పవన్ అన్నా లేజినోవాను వివాహం చేసుకున్నారు. ఇక రేణూ పూణేకి చెందిన ఓ వ్యక్తితో ఎంగేజ్మెంట్ జరుపుకున్నారు. రేణూ రెండో వివాహాన్ని పవన్ అభిమానులు అంగీకరించలేదు. నువ్వు పెళ్లి చేసుకోవడానికి వీల్లేదంటూ బెదిరింపులకు దిగారు. దాంతో త‌ర్వాత తన రెండో పెళ్లి విష‌యంపై ఎలాంటి క్లారిటీ ఇవ్వ‌లేదు.
