సినిమా ప్రపంచంలో కొందరు నటీనటులు ఎంత వేగంగా స్టార్ డమ్ సంపాదించుకుంటారో అంతే వేగంగా ఇండస్ట్రీ నుంచి దూరం అవుతారు. అలాంటి నటీనటులలో అబ్బాస్ కూడా ఒకరు. అబ్బాస్ సినిమాలలో ఎంట్రీ ఇచ్చిన మొదట్లోనే హీరోగా స్టార్ ఇమేజ్ ను అందుకుంటారు. సినీ ప్రముఖుల సైతం అప్పటిలో అబ్బాస్ స్టార్ హీరోగా పెద్ద స్థాయికి వస్తాడని భావించారు.
1996 లో తమిళంలో విడుదలైన కాదల్ దేశం చిత్రంతో వెండితెరకి ఎంట్రీ ఇచ్చాడు అబ్బాస్. ఈ చిత్రాన్నే మన తెలుగులో ప్రేమదేశం చిత్రంగా డబ్ చేసి విడుదల చేశారు. అటు తమిళ్ ఇటు తెలుగులో కూడా ఈ చిత్రం ఘనవిజయాన్ని సాధించింది. ప్రేమదేశం చిత్రంతో అబ్బాస్ కి యూత్ లో క్రేజ్ బాగా పెరిగింది. ప్రేమదేశం సినిమా సక్సెస్ తో అబ్బాస్ కెరీర్ అటు తమిళ్ లోను ఇటు తెలుగులోను ఒక్కసారిగా ఊపందుకుంది.
అప్పటిలో అబ్బాస్ అందానికి అమ్మాయిలు ఎగబడిపోయేవారు. అబ్బాస్ సినిమా వచ్చింది అంటే చాలు థియేటర్స్ వద్ద అమ్మాయిలు క్యూ చాలా పెద్దగా ఉండేది. ఇక అబ్బాస్ ఎలాంటి వేడుకలకు వెళ్లినా కూడా అమ్మాయిలు మొత్తం చుట్టూ ముట్టేవారు. ఆ రేంజ్ లో ఫ్యాన్ ఫాలోయింగ్ పెంచుకున్న హీరో అబ్బాస్. అయితే అబ్బాస్ గత ఏడు సంవత్సరాలుగా ఇండస్ట్రీలో ఎక్కడ కనిపించడం లేదు. సినిమా అవకాశాలు తగ్గడంతో 2015 వరకు ఇండస్ట్రీలో ఉన్న అబ్బాస్ అనంతరం న్యూజిలాండ్ వెళ్లి స్థిరపడ్డాడు.
న్యూజిలాండ్ వెళ్లిన మొదటిలో ముందుగా ఓ పెట్రోల్ బంకులో పని చేసాడు. బంకులో కొన్నాళ్లు పని చేసిన తర్వాత.. బిల్డింగ్ కూలీగా మారి, అక్కడే కొన్ని రోజులు పని చేసి అనుభవం సంపాదించి.. ఇప్పుడు అదే బిజినెస్ చేస్తున్నాడు అబ్బాస్. భవన నిర్మాణ రంగంలో ప్రస్తుతం బాగానే సంపాదిస్తున్నాడు అబ్బాస్. తనకు మళ్లీ సినిమాల్లోకి వచ్చే ఉద్ధేశ్యమే లేదంటున్నాడు. మరోవైపు మోటివేషనల్ స్పీకర్‌గానూ కూడా పని చేస్తున్నాడు. ప్రస్తుతం అబ్బాస్ సంబంధించిన ఫొటోస్ సోషల్ మీడియాలో వైరల్ గా మారాయి.
