Actress Sneha : అందం, అభినయంతో దక్షిణ సౌత్ ఫిల్మ్ ఇండస్ట్రీలో తనకంటూ ఓ ప్రత్యేక గుర్తింపు తెచ్చుకుంది నటి స్నేహ. సౌందర్య తర్వాత అంత హోమ్లీ క్యారెక్టర్లలో కనిపించి మెప్పించిందీ అందాల తార. సినిమాల్లో బిజీగా ఉండగానే సహ నటుడు ప్రసన్నతో ప్రేమలో పడిపోయిన స్నేహ పదేళ్ల క్రితం అతనితోనే ఏడడుగులు నడిచింది. వారి ప్రేమ పెళ్లికి ప్రతిఫలంగా ఇద్దరు పిల్లలు కూడా వారి జీవితంలోకి అడుగుపెట్టారు. ఒకప్పుడు హీరోయిన్‌గా మెప్పించిన ఈ ముద్దుగుమ్మ ఇప్పుడు క్యారెక్టర్‌ ఆర్టిస్టుగా, స్పెషల్‌ రోల్స్‌లోనూ సందడి చేస్తోంది.
అదేవిధంగా సోషల్ మీడియాలోనూ యాక్టివ్‌గా ఉంటోంది. తన భర్త, పిల్లలకు సంబంధించిన విషయాలన్నింటనీ అందులో షేర్‌ చేస్తుంటుంది. ఇదిలావుండగా రీసెంట్గా సోషల్ మీడియాలో వైరల్ అవుతున్న న్యూస్ ప్రకారం హీరోయిన్ స్నేహ తన భర్తకు దూరంగా ఉందట. వీళ్ళ మధ్య వచ్చిన మనస్పర్ధలే దీనికి కారణమని తెలుస్తుంది. ప్రసన్నను ప్రేమించి పెళ్లి చేసుకున్న స్నేహ.. పెళ్లి కోసం ఏకంగా ఐదేళ్లకు పైనే గ్యాప్ తీసుకుంది. ఇంట్లో వాళ్లకు వీళ్ళ పెళ్లి ఇష్టం లేదు కానీ బలవంతంగా ఒప్పించి మరీ పెళ్లి చేసుకున్నారు.
అయితే కొన్ని ఫ్యామిలీ ఇష్యూస్ కారణంగా స్నేహ ప్రసన్నల మధ్య దూరం పెరిగిందని ఈ కారణంగానే మాట మాట పెరిగి స్నేహ, ప్రసన్నకు దూరంగా వేరే ఇంట్లో ఉంటుందని తెలుస్తుంది. స్టార్ కపుల్స్ పెళ్లి, విడాకులు కామన్ అయినప్పటికీ ఈ వార్త తెలుసుకున్న స్నేహ, ప్రసన్న అభిమానులు బాధపడిపోతున్నారు. మీరు కూడా సమంత – నాగచైతన్య లాగా విడాకులు తీసుకోకండి.. ప్రాబ్లం సాల్వ్ చేసుకోండి. ఇద్దరు పిల్లలు ఉన్నారు వారి భవిష్యత్తు కోసం ఆలోచించండి అంటూ కామెంట్స్ చేస్తున్నారు. చూడాలి స్నేహ ఎలాంటి నిర్ణయం తీసుకుంటుందో.. పెద్దలు వీరికి ఎలా నచ్చచెబుతారో..!
