Daddy Movie Child Artist : ప్రముఖ డైరెక్టర్ సురేష్ కృష్ణ దర్శకత్వంలో చిరంజీవి, సిమ్రాన్‌ జంటగా నటించిన సినిమా డాడీ. ఈ సినిమాను గీతా ఆర్ట్స్ బ్యానర్‌పై అల్లు అరవింద్ నిర్మించారు. 2001లో వచ్చిన ఈ సినిమా ఫ్యామిలీ ఆడియెన్స్‌ ను బాగా ఆకట్టుకుంది. తండ్రి కూతురి మధ్యనుండే ఎమోషన్‌ కథాంశంగా రూపొందించిన ఈ సినిమాలో ఐశ్వర్య పాత్రలో నటించిన చిన్నారి ఇప్పటికీ అందరికీ బాగా గుర్తుండే ఉంటుంది. చిరంజీవి తర్వాత అంతలా ప్రేక్షకులకు దగ్గర అయింది ఆ పాప. ఈ సినిమాలో ఐశ్వర్య, అక్షయలా ద్విపాత్రిభినయంతో ప్రేక్షకులను బాగా ఆకట్టుకున్న ఆ చిన్నారి అసలు పేరు అనుష్క మల్హోత్రా.
డాడీ సినిమా వచ్చి దాదాపు 22 ఏళ్లు గడిచినా ఇప్పటికీ ఆ చిన్నారి పాత్ర అందరికి గుర్తుండిపోయింది. తొలి సినిమాతోనే ఎంతోమంది అభిమానులను సొంతం చేసుకున్న అనుష్క మల్హొత్రకు డాడీ విజయం తర్వాత సినిమాల కోసం ఆమెకు చాలా ఆఫర్స్‌ వచ్చాయి. అయితే కొన్ని కారణాల వల్ల సినిమాలకు అనుష్క గుడ్‌ బై చెప్పేసింది. డాడీ సినిమా తర్వాత సిల్వర్ స్క్రీన్‌పై ఎక్కడా కనిపించలేదు. ఈ చిత్రంలో తన మాటలుతో క్యూట్ ఎక్స్ప్రెషన్ తో ఎంతో మందిని ఆకట్టుకున్న చిన్నారి నటనకు విమర్శకులు సైతం మంచి మార్కులు ఇచ్చారు. ఇప్పుడు అనుష్క మల్హోత్రా ఫోటోలు సోషల్‌ మీడియాలో వైరల్‌గా మారాయి. అప్పటి ఆ చిన్నారి చిట్టి పాప ఇప్పుడు మరింత గ్లామర్స్ లుక్ తో అందరి మతులను పోగొట్టేస్తుంది.
అనుష్క మల్హోత్రా ప్రస్తుతం యూకేలో ఉంటున్నట్లు సమాచారం. ఆమె చదువుకి ఆటకం కలగకూడదని ఉద్దేశంతో అనుష్క తల్లిదండ్రులు సినిమాలకు దూరంగా ఉంచారట. ఇక అనుష్క తన డిగ్రీని పూర్తి చేసుకొని ఇప్పటికే మోడల్ రంగంలో ప్రవేశించింది. ఇప్పటికే ఒకప్పటి చైల్డ్ ఆర్టిస్టులంతా ఇప్పుడు హీరోయిన్లుగా ఎంట్రీ ఇస్తున్న సంగతి తెలిసిందే. అయితే అనుష్క కూడా కన్నడ ఫిలిం ఇండస్ట్రీలో ప్రముఖ దర్శకుడు చిత్రంలో హీరోయిన్ గా నటించడానికి ఛాన్స్ కొట్టేసింది అనే వార్తలు వినిపిస్తున్నాయి. ఈ వార్త నిజమైతే ఆనాటి క్యూట్ చిన్నారి అనుష్క హీరోయిన్ గా ఏ మేరకు సక్సెస్ అవుతుందో వేచి చూడాలి.
