Viral Video : జీవితం అందరికీ వడ్డించిన విస్తరి కాదు. కొందరు ఎంతో కష్టపడి ఇప్పుడు గొప్ప పొజిషన్ లో ఉంటారు. అలా ఎవరికైనా లైఫ్ లో ఏదో ఒక స్టార్ట్ ఉంటుంది. ఇప్పుడు మనకు పెద్ద పెద్ద పొజిషన్ లో కనిపిస్తున్న ఎంతోమంది ఒకప్పుడు ఏదో చిన్న పొజిషన్ నుంచి స్టార్ట్ చేసుంటారు. ఫిల్మ్ ఇండస్ట్రీలో కూడా అంతే.. ఇప్పుడు ఉన్న స్టార్ హోరోయిన్స్ కూడా ఒకప్పుడు అలాగే చిన్నచిన్న రోల్స్ చేసి ఇప్పుడు అంత పెద్ద స్టార్స్ అయ్యారు. ఈ యాడ్ లో కనిపిస్తున్న స్టార్ హీరోయిన్ ని గుర్తు పెట్టారా..!? ఆమె ఎవరో కాదు సౌత్ స్టార్ హీరోయిన్ సమంత.
నాగచైతన్య హీరోగా చేసిన ఏ మాయ చేసావే చిత్రంతో తెలుగు తెరకు పరిచయమైంది సమంత. మొదటి సినిమాతోనే మంచి విజయాన్ని అందుకొని వరుస ఆఫర్లతో తెలుగులో నెంబర్ వన్ హీరోయిన్ స్థానానికి ఎదిగింది. ఏ మాయ చేసావే చిత్రం నుంచి.. తాజాగా విడుదలైన యశోద చిత్రం వరకు.. దాదాపు దశాబ్దం పైన గడుస్తున్న సమంత క్రేజ్ ఏమాత్రం తగ్గలేదు. టాలీవుడ్ లో స్టార్ హీరోలందరి సరసన నటించిన సమంత, ప్రస్తుతం బాలీవుడ్ మరియు హాలీవుడ్ లో కూడా నటిస్తుంది.
అయితే సమంత సినిమాల్లోకి రాకముందు కొన్ని యాడ్ ఫిల్మ్స్ లో నటించిన విషయం మీకు తెలుసా? డిగ్రీ చదువుకునే సమయంలోనే చెన్నైలోని నాయుడు హాల్లో మోడలింగ్ గా పని చేసింది సమంత. ఈ క్రమంలో సమంతకి తమిళనాడు కి చెందిన ఆశిక టెక్స్ టైల్స్ కి సంబంధించిన ఉత్పత్తులను ప్రమోట్ చేస్తూ తీసిన యాడ్ లో నటించే అవకాశం వచ్చింది. పాకెట్ మనీ కోసం డబ్బులు వస్తాయనే ఉద్దేశంతో సమంత ఆ యాడ్ లో నటించింది. ఇందుకుగాను అప్పట్లో సమంతకి దాదాపు రూ. 5వేల పారితోషకం ఇచ్చారట. కాగా ప్రస్తుతం ఈ యాడ్ కి సంబంధించిన వీడియో యూట్యూబ్ లో వైరల్ గా మారింది.
