Hit 2 Movie Collections : విశ్వ‌క్ సేన్ హీరోగా ‘హిట్ ది ఫస్ట్ కేస్’ అనే క్రైమ్ థ్రిల్లర్‌తో దర్శకుడిగా తెరంగేట్రం చేసిన శైలేష్ కొల‌ను వ‌రుస‌గా హిట్ ఫ్రాంచైజీలో సినిమాల‌ని తెర‌కెక్కించే ప‌నిలో ప‌డ్డాడు. హిట్ సినిమాకు ఫ్రాంచైజీగా రూపొందిన మ‌రో చిత్రం ‘హిట్ 2 ది సెకండ్ కేస్. ఇందులో అడివి శేష్ హీరోగా న‌టించారు. మీనాక్షి హీరోయిన్‌గా నటించింది. నాని స‌మ‌ర్ప‌ణ‌లో వాల్ పోస్ట‌ర్ సినిమా బ్యాన‌ర్‌పై ప్ర‌శాంతి త్రిపిర్‌నేని నిర్మిస్తోన్న హిట్ 2 మూవీ డిసెంబ‌ర్ 2న విడుదలై భారీ విజయాన్ని అందుకొన్నది. సోమవారం అన్ని ప్రాంతాలలో బ్రేక్ఈవెన్ మార్క్‌ను దాటుతుందని భావిస్తున్నారు. ఇప్పటికే నైజాం, ఓవర్సీస్‌లో ఈ సినిమాకు బ్రేక్ఈవెన్ పూర్తయింది.
హిట్ 2 ప్రీ రిలీజ్ బిజినెస్ విషయానికి వస్తే.. ఈ సినిమా బ్రేక్ ఈవెన్‌ను 15 కోట్లుగా అంచనా వేశారు. దాంతో ఈ సినిమా ఇప్పటి వరకు 14.5 కోట్లు వసూలు చేసింది. దాంతో ఈ సినిమా దాదాపు బ్రేక్ ఈవెన్‌కు చేరువైంది. వారాంతంలోనే ఈ సినిమా లాభాల్లోకి ప్రవేశించడం విశేషంగా మారింది. ఇప్పటి వరకు $95,615 గ్రాస్ వసూలు చేసింది, మొత్తం $781,621కి చేరుకుంద‌ని అంటున్నారు.. ఈ సినిమా నైజాం హక్కుల విలువ 4 కోట్లు కాగా, 3 రోజుల్లో 5 కోట్లకు పైగా కొల్లగొట్టింది. కోవిడ్ తర్వాత, కొన్ని సినిమాలు మాత్రమే క్లీన్ హిట్ కొట్టాయి. వాటిలో హిట్ 2 ఒటి. థ్రిల్లర్ జానర్‌లోని సినిమాలు ఇటీవ‌లి కాలంలో పెద్ద‌గా స‌క్సెస్ కాలేదు.
అడివి శేష్ నటించిన ఈ చిత్రం క్లీన్ హిట్ కొట్టింది. ఇక మూడ‌వ కేసులో హీరోగా నాని న‌టించ‌నున్నాడు. ఈ సినిమాని ముఖ్యంగా యువత చూస్తున్నారు. ఇందులో మీనాక్షి చౌదరి కధానాయికగా నటించింది. ఆదివారం నాడు ఈ సినిమా నందమూరి బాలకృష్ణ కూడా చూసి చాలా బాగుంది అని చెప్పటం తో సినిమాకి మరింత హైప్ వచ్చిందని సమాచారం. ఇప్పటికే కలెక్షన్లతో దూసుకుపోతున్న ఈ సినిమా అడివి శేష్ కెరీర్ లో బెస్ట్ అవుతుందని అని ట్రేడ్ పండితులు అంచనా వేస్తున్నారు.
