Hit 2 Movie : ఒక‌ప్పుడు సినిమాల్లో క్యారెక్ట‌ర్ ఆర్టిస్టుగా రాణించిన అడివి శేష్.. ఇప్పుడు హీరోగానూ రాణిస్తున్నాడు. ఆయ‌న న‌టించిన సినిమాల‌న్నీ వ‌రుస‌గా హిట్ అవుతున్నాయి. ఈ క్ర‌మంలోనే అడివి శేష్ న‌టించిన లేటెస్ట్ మూవీ హిట్ 2 కూడా ప్రేక్ష‌కుల ముందుకు వ‌చ్చి అల‌రిస్తోంది. ఈ మూవీకి పాజిటివ్ టాక్ ల‌భిస్తుండ‌డంతో క‌లెక్ష‌న్లు భారీగానే వ‌స్తున్నాయి. కేవలం 3 రోజుల్లోనే ఈ మూవీ బ్రేక్ ఈవెన్ సాధించిందంటే.. ఈ మూవీని ప్రేక్ష‌కులు ఎలా ఆద‌రిస్తున్నారో ప్ర‌త్యేకంగా చెప్పాల్సిన ప‌నిలేదు. హిట్ మొద‌టి మూవీ హిట్ కావ‌డంతో ఇప్పుడు రెండో పార్ట్‌ను ఇంకో స్టోరీతో, వేరే నటీన‌టుల‌తో నిర్మించారు. దీంతో సెకండ్ పార్ట్ కూడా ప్రేక్ష‌కుల‌కు న‌చ్చేసింది.
హిట్ 1, 2 మూవీల‌ను న‌టుడు నాని నిర్మించారు. ఈ మూవీకి సుమారుగా రూ.15 కోట్ల ప్రీ రిలీజ్ బిజినెస్ జ‌రిగింది. దీంతో త‌క్కువ బ‌డ్జెట్‌లోనే నాని జాక్ పాట్ కొట్టేశాడ‌ని అంటున్నారు. ఈ సినిమాకి నాని నిర్మాత‌గా వ్య‌వ‌హ‌రించ‌గా.. శైలేష్ కొల‌ను ద‌ర్శ‌క‌త్వం వ‌హించారు. అడివి శేష్, మీనాక్షి చౌద‌రిలు కీల‌క‌పాత్ర‌ల్లో న‌టించారు. అయితే హిట్ 3 మూవీని కూడా నిర్మించ‌నున్న‌ట్లు హిట్ 2 చివ‌ర్లో చూపించారు. హిట్ 3 లో నాని స్వ‌యంగా న‌టించ‌నున్న‌ట్లు తెలిపారు. దీంతో ఆ మూవీ కోసం ప్రేక్ష‌కులు ఎంతో ఆస‌క్తిగా ఎదురు చూస్తున్నారు. వచ్చే ఏడాది హిట్ 3 రిలీజ్ అవుతుంద‌ని భావిస్తున్నారు. ఇక నాని ద‌స‌రా అనే మ‌రో మూవీతోనూ వచ్చే ఏడాది ప‌ల‌క‌రించ‌నున్నాడు.
కాగా హిట్ 2 మూవీ స‌క్సెస్ కావ‌డంతో దీన్ని 2 నెల‌ల త‌రువాతే ఓటీటీలో రిలీజ్ చేయాల‌ని మేక‌ర్స్ నిర్ణయించుకున్న‌ట్లు స‌మాచారం. ఈ క్ర‌మంలోనే ప్ర‌ముఖ ఓటీటీ సంస్థ అమెజాన్ ప్రైమ్ వీడియో హిట్ 2 ఓటీటీ హ‌క్కుల‌ను భారీ ధ‌ర‌కు కొనుగోలు చేసిన‌ట్లు తెలుస్తోంది. దీంతో అదే యాప్‌లో ఈ మూవీ రిలీజ్ కానుంది. ఇక క‌థ విష‌యానికి వ‌స్తే.. వైజాగ్‌లో అమ్మాయిల‌ను దారుణంగా హ‌త్య చేసే సీరియ‌ల్ కిల్ల‌ర్‌ను పోలీస్ ఆఫీస‌ర్ అయిన అడివి శేష్ ఎలా ప‌ట్టుకున్నాడు.. అనేది ఇతి వృత్తంగా ఉంటుంది. ఈ క్ర‌మంలోనే సినిమాకు ప్ర‌స్తుతం పాజిటివ్ టాక్ ల‌భిస్తోంది. బాక్సాఫీస్ వ‌ద్ద క‌లెక్ష‌న్ల సునామీ దిశ‌గా దూసుకుపోతోంది.
