Seetha In Movies : సినిమా రంగంలో హీరోల‌తో పాటు ద‌ర్శ‌క‌నిర్మాత‌ల‌కు సైతం కొన్ని సెంటిమెంట్స్ ఉంటాయి. ప్ర‌తి సినిమాకి ఏదో ఒక సెంటిమెంట్ అయితే వారు త‌ప్ప‌క పాటిస్తారు. అయితే కొన్ని పేర్లకు తెలియకుండానే ప్రేక్షకులు కనెక్ట్ అయిపోతుంటారు. అలా క‌నెక్టే అయ్యే పేరు సీత . ఇటీవ‌ల విడుదలైన ‘సీతారామం’ సినిమాలోనూ హీరోయిన్ పాత్ర సీత పేరుకు కూడా ప్రేక్షకులు బాగా కనెక్ట్ అయిపొయారు. అయితే సీత పేరుతో తీసిన సినిమాలు కూడా మంచి విజ‌యాలు సాధిస్తున్నాయి. మ‌రి అవేంటో ఇప్పుడు చూద్దాం. ముందుగా సీతారామం.. హను రాఘవపూడి దర్శకత్వంలో విడుదలైన ఈ సినిమా తెలుగు, తమిళం, మలయాళ, హిందీ భాషల్లో విడుదలై మంచి సక్సెస్ అందుకుంది.ఇక ఇందులో దుల్కర్ సల్మాన్, రష్మికా మందన్న, మృణాళిని ఠాకూర్ నటించగా, హీరోయిన్ పాత్ర పేరు సీత అని ఉండ‌డంతో చాలా మంది ప్రేక్ష‌కుల ఈజీగా కనెక్ట్ అయ్యారు.
2013 లో విడుదలై మంచి హిట్ సొంతం చేసుకున్న సినిమా సీతమ్మ వాకిట్లో సిరిమల్లె చెట్టు.ఇందులో వెంకటేష్, మహేశ్ బాబు, సమంత, అంజలి, ప్రకాశ్ రాజ్, జయసుధ నటించగా, అంజలి పాత్ర పేరు సీత అని ఉండగా తను ఆ పాత్రకు తగ్గట్టుగా అద్భుతంగా నటించింది. 2015 లో హరీష్ శంకర్ దర్శకత్వం విడుదలైన సినిమా సుబ్రహ్మణ్యం ఫర్ సేల్. ఇందులో సాయి ధరమ్ తేజ్, రెజీనా, హీరోహీరోయిన్స్‌గా నటించగా, ఇందులో రెజినా పాత్ర పేరు సీత.పాత్రకు తగ్గట్టుగా రెజీనా అద్భుతంగా నటించింది. 2016లో కళ్యాణ్ కృష్ణ కురసాలకు దర్శకత్వంలో తెరకెక్కిన సినిమా సోగ్గాడే చిన్నినాయన. ఈ సినిమాలో లావణ్య త్రిపాఠి పాత్ర పేరు కూడా సీతనే.
జాగర్లమూడి రాధాకృష్ణ దర్శకత్వంలో సినిమా కంచె.ఇందులో వరుణ్ తేజ్, ప్రగ్యా జైస్వాల్ నటీనటులుగా నటించారు.ఈ సినిమాలో కూడా ప్రగ్యా జైస్వాల్ పాత్ర పేరు సీత. ఈ సినిమా మాత్రం బాగా ఆకట్టుకుంది. 2006 లో శేఖర్ కమ్ముల దర్శకత్వంలో విడుదలైన సినిమా గోదావరి.ఇందులో సుమంత్, కమలిని ముఖర్జీ నటీనటులుగా నటించగా, ఇందులో హీరోయిన్ పాత్ర పేరు కూడా సీతనే.అలా సీత అనే పేరుతో ఉన్న ఈ సినిమాలు అన్ని మంచి సక్సెస్ కూడా అందుకున్నాయి.
