Manchu Vishnu : బుల్లితెర ప్రేక్షకులని ఎంతగానో అలరిస్తున్న రియాలిటీ షో బిగ్ బాస్. ఈ కార్యక్రమం తెలుగులో సక్సెస్ ఫుల్గా సాగుతుంది. ఇప్పటికే ఆరు సీజన్స్ పూర్తి చేసుకున్న ఈ షో వచ్చే ఏడాది ఏడో సీజన్ జరుపుకోనుంది. ఈ షోకి హోస్ట్ ఎవరు అయి ఉంటారనే ఇప్పటి నుండి చర్చ నడుస్తుంది. బిగ్ బాస్ తదుపరి సీజన్ హోస్ట్ గా కింగ్ నాగార్జున ఉండడం లేదట. ఇప్పటికే నిర్వాహకులకు సైతం నాగ్ చెప్పేశారట. దీంతో మరో హీరో కోసం సెర్చింగ్ స్టార్ట్ చేశారని వార్తలు వినిపిస్తుండగా ఈ షోకు యంగ్ హీరో విజయ్ దేవరకొండ హోస్ట్ గా వ్యవహరించనున్నట్లు కొద్ది రోజులుగా ఫిల్మ్ సర్కిల్లో చక్కర్లు కొడుతున్నట్టు వినిపిస్తుంది.
తాజాగా బిగ్ బాస్ సీజన్ 7 హోస్ట్ గా నందమూరి నటసింహం బాలకృష్ణ వ్యవహరించనున్నారని, ఆయనతో సంప్రదింపులు జరిపేందుకు బిగ్ బాస్ నిర్వాకులు సిద్ధమవుతున్నారని కూడా ప్రచారం జరుగుతుంది. సీరియస్ గా కనిపించే నందమూరి హీరో.. అన్ స్టాపబుల్ వేదికపై మాత్రం ఎంతో సరదాగా..అతిథులుగా వచ్చిన వారిరి ఆటపట్టిస్తూ ప్రేక్షకులను ఎంటర్టైన్ చేస్తున్నారు. ఈ క్రమంలో బాలయ్య బిగ్ బాస్ షోలో అదరగొట్టడం ఖాయం అని కొందరు చెప్పుకొస్తున్నారు. అయితే అనూహ్యంగా మంచు విష్ణు పేరు ఇప్పుడు తెరపైకి వచ్చింది. మేకర్స్ ఆయనతో సంప్రదింపులు జరుపుతున్నారనే ప్రచారం జరుగుతుంది.
ఎలాంటి స్టార్డం లేని మంచు విష్ణుకి హోస్టింగ్ బాధ్యతలు అప్పగించడం ద్వారా ఏ మాత్రం ప్రయోజనం ఉండదు. సినిమాల సక్సెస్ లేదు. గొప్ప వ్యాఖ్యాత కూడా కాదు. తెలుగు అంతంత మాత్రమే, కాబట్టి మంచు విష్ణు బిగ్ బాస్ సీజన్ 7 హోస్ట్ గా మంచు విష్ణు అనే వార్తలో నిజం ఉండకపోవచ్చని పలువురి అభిప్రాయం. ఆయన కంటే మంచు లక్ష్మి చాలా వరకు బెటర్ అని అంటున్నారు.. మంచు విష్ణు హోస్ట్ అయి ఉండడు, కంటెస్టెంట్ అయి ఉంటాడు అని నెటిజన్స్ కామెంట్స్ చేస్తున్నారు. ఇదిలా ఉంటే మంచు విష్ణు కొన్నాళ్లుగా సినిమాల విషయంలోను పెద్దగా సక్సెస్ లు సాధించడం లేదు.
