Actor Nani : నేచుర‌ల్ స్టార్ నాని వైవిధ్య‌మైన సినిమాల‌తో ప్రేక్షకులని ఎంత‌గా అలరిస్తున్నారో ప్ర‌త్యేకంగా చెప్ప‌న‌క్క‌ర్లేదు.ఆయ‌న రీసెంట్‌గా సరిపోదా శనివారం సినిమాతో ప్రేక్షకుల ముందుకొచ్చాడు .ఆగస్టు 29న థియేటర్లలో గ్రాండ్‌గా విడుదలైన ఈ చిత్రానికి మంచి స్పందన వస్తోంది. నాని, వివేక్ ఆత్రేయ కాంబోలో వచ్చిన చిత్రం అంటే సుందరానికి. ఈ చిత్రం ఆశించిన స్థాయిలో సక్సెస్ అందుకోలేకపోయింది. అయితే రెండోసారి వచ్చిన సరిపోదా శనివారం బాక్సాఫీస్‌ వద్ద మంచి టాక్‌ తెచ్చుకుంది. ఇదిలా ఉంటే నాని, వివేక్ ఆత్రేయ ముచ్చటగా మూడో సినిమా చేయబోతున్నారా..? అంటే తాజా అప్‌డేట్‌ అవుననే చెబుతోంది.
గతంలో నాని, వివేక్ ఆత్రేయ కాంబోలో వచ్చిన అంటే సుందరానికి సినిమా చాలా బాగున్నా కమర్షియల్ గా ఫెయిల్ అయి క్లాసిక్ గా నిలిచింది. ఇప్పుడున్న తెలుగు దర్శకులలో సరికొత్త స్క్రీన్ ప్లేతో, అచ్చ తెలుగుతనంతో, మంచి రైటింగ్ తో సినిమాలు తీసే దర్శకులలో వివేక్ ఆత్రేయ ఒకరు. తన మొదటి సినిమా నుంచి కూడా ప్రేక్షకులని మెప్పిస్తున్నాడు.సరిపోదా శనివారంతో హిట్ ఇచ్చాడు. తాజాగా ఈ సినిమా సక్సెస్ ఈవెంట్ జరిగింది. ఈ ఈవెంట్లో నాని స్టేజిపై మాట్లాడుతూ వివేక్ ఆత్రేయకు తనతో మూడో సినిమా ఆఫర్ కూడా ఇచ్చేసాడు. మూవీ సక్సెస్ మీట్‌లో నాని మాట్లాడుతూ.. సినిమాను విజయవంతం చేసిన అభిమానులకు ధన్యవాదాలు తెలియజేశాడు. అంతేకాదు తాను వివేక్ ఆత్రేయతో మరో సినిమా కూడా చేయబోతున్నానని ప్రకటించాడు.
రాబోయే సినిమా కామెడీ బ్యాక్‌ డ్రాప్‌లో ఉండబోతుందని కూడా చెప్పి టాక్‌ ఆఫ్‌ ది టౌన్‌గా నిలిచాడు. ఈ కామెంట్స్‌తో నానిని ఇక ఫుల్‌ లెంగ్త్ కామెడీ రోల్‌లో చూసేయొచ్చని తెగ సంబరాలు చేసుకుంటున్నారు అభిమానులు, మూవీ లవర్స్‌. నాని ఇప్పటికే హిట్ 3 సినిమా ప్రకటించాడని తెలిసిందే.హిట్ ప్రాంఛైజీలో శైలేష్‌ కొలను డైరెక్ట్ చేస్తున్న ఈ చిత్రం మే 1 2025లో గ్రాండ్‌గా విడుదల కానుంది. మరోవైపు దసరా డైరెక్టర్ శ్రీకాంత్ ఓదెలతో సినిమా చేయబోతుండగా.. దీనిపై క్లారిటీ రావాల్సి ఉంది.
