Chiranjeevi : తెలుగు సినిమా ‘పుష్ప : ది రైజ్’తో బన్నీ రికార్డు క్రియేట్ చేశారు. 69 ఏళ్లలో మొట్టమొదటిసారి తెలుగు చిత్ర పరిశ్రమ నుంచి అల్లు అర్జున్ ఉత్తమ నటుడి కేటగిరీలో జాతీయ అవార్డును సొంతం చేసుకొని అంద‌రిచేత ప్ర‌శంస‌లు ద‌క్కించుకుంటున్నాడు. 2021వ సంవత్సరానికి గాను సినీ జాతీయ అవార్డ్స్ ను కేంద్ర ప్రభుత్వం ఈనెల 24న ప్రకటించిన విషయం తెలిసిందే. ఇందులో ఎన్టీఆర్, రామ్ చరణ్ కలిసి నటించిన ‘ఆర్ఆర్ఆర్’, ఐకాన్ స్టార్ అల్లు అర్జున్ నటించిన ‘పుష్ప : ది రైజ్’ చిత్రాలు సత్తా చాటాయి. ఆర్ఆర్ఆర్ కు ఆయా కేటగిరీల్లో ఆరు అవార్డులు దక్కగా పుష్ప చిత్రం మాత్రం ఉత్తమ నటుడి కేటగిరీలో అల్లు అర్జున్ కు, బెస్ట్ మ్యూజిక్ కేటగిరీలో రాక్ స్టార్ దేవిశ్రీ ప్రసాద్ కు అవార్డులను అందింది.
తొలిసారిగా బెస్ట్ యాక్టర్ నేషనల్ అవార్డును అల్లు అర్జున్ అందుకోవడంతో సినీ ప్రముఖులు ప్రశంసల వర్షం కురిపించారు. మెగా ఫ్యామిలీతో పాటు సెలబ్రెటీలు, అభిమానులు సెలబ్రేట్ చేసుకున్నారు. అయితే రామ్ చరణ్ ఆర్ఆర్ఆర్ లో అత్యుత్త‌మ ప‌ర్‌ఫార్మెన్స్ క‌న‌బ‌ర‌చగా, ఆయ‌న‌కి రాక‌పోవ‌డంపై కొంద‌రు అసంతృప్తి వ్యక్తం చేస్తున్నారు. చిత్ర పరిశ్రమ నుంచి ప్రముఖులు అల్లు అర్జున్ కి వరుసగా శుభాకాంక్షలు తెలుపుతున్నారు. ఇప్పుడు ఏకంగా మెగాస్టార్ అంతటి వ్యక్తి నుంచి బన్నీకి అదిరిపోయే విధంగా అభినందనలు దక్కాయి.
నేషనల్ అవార్డు ప్రకటించిన తర్వాత తొలిసారి బన్నీ చిరంజీవిని కలిశారు. మేన‌ల్లుడిని హ‌త్తుకొని స్వీట్ తినిపించి ఫుల్ ఖుష్ అయ్యారు. త‌న కొడుక్కి రాక‌పోయిన మేన‌ల్లుడికి అవార్డ్ రావ‌డం పట్ల సంతోషం వ్యక్తం చేసారు మెగాస్టార్. ప్రస్తుతం బన్నీ, మెగాస్టార్ ఖుషీ మూమెంట్స్‌కి సంబంధించిన పిక్స్ నెట్టింట తెగ హ‌ల్‌చ‌ల్ చేస్తున్నాయి. అల్లు అర్జున్ ..చిరంజీవి, సురేఖ దంపతులతో ఉన్న ఫోటోస్ కూడా ప్రస్తుతం మెగా అభిమానులని విశేషంగా ఆకట్టుకుంటున్నాయి. అల్లు అర్జున్ నేషనల్ అవార్డు సాధించడం పట్ల సురేఖ సంతోషం వ్యక్తం చేస్తూ బన్నీని ఆప్యాయంగా హత్తుకున్న వీడియో కూడా సోషల్ మీడియాలో వైరల్ గా మారింది.
https://youtube.com/watch?v=7u_LIRWf82Y
