Dil Raju : ప్రభాస్ హీరోగా నటించిన మరో భారీ యాక్షన్ సినిమా సలార్.. ఈ సినిమాకు కెజీయఫ్ దర్శకుడు ప్రశాంత్ నీల్ దర్శకత్వం వహించారు. భారీ అంచనాల నడుమ ఈ సినిమా డిసెంబర్ 22న ఈ సినిమా ప్రపంచవ్యాప్తంగా విడుదలైంది. రెండో ట్రైలర్ వచ్చిన తర్వాత ఈ సినిమా మరో రేంజ్‌కు వెళ్లింది. దీంతో ఈ సినిమాకు ఇటు ఇండియాలోనే కాదు.. అటు అమెరికాలో కూడా ఊహించ‌ని రెస్పాన్స్ వస్తోంది. దీంతో అక్కడ ఇప్పుడు జస్ట్ ప్రీమియర్స్ తోనే 2 మిలియన్ డాలర్ల మార్క్ ని క్రాస్ చేసింది. సలార్ ఫస్ట్ డే వసూళ్ల విషయానికి వస్తే.. ఇప్పటికే ఇండియాలో 50 కోట్ల మార్క్ ని అందుకోగా ఓవర్సీస్ కలెక్షన్స్‌తో 80 కోట్ల మార్క్‌ని అందుకుంది.
నైజాంలో, సీడెడ్ లో ఆంధ్రలో అన్ని చోట్లా రిమార్కబుల్ ఓపెనింగ్స్‌ను సొంతం చేసుకుంది. తెలుగులో 35 కోట్ల రేంజ్‌కి అటూ ఇటూగా ఓపెనింగ్స్ వచ్చే అవకాశం ఉందని అంటున్నారు. మైత్రీ మూవీస్ నిర్మాణ సంస్థ విజ్ఞప్తి మేరకు బెనిఫిట్ షోలకు అనుమతి ఇస్తున్నట్లుగా తెలంగాణ ప్రభుత్వం ఉత్తర్వుల్లో పేర్కొంది. అర్ధ‌రాత్రి ఒంటి గంటకు బెనిఫిట్ షోలు మొద‌లు కాగా, సామాన్యుల‌తో పాటు సినీ సెల‌బ్రిటీలు సైతం బెనిఫిట్ షో చూశారు. దిల్ రాజు అత‌ని భార్య కూడా బెనిఫిట్ షో చూడ‌డానికి వెళ్లారు. బెనిఫిట్ షో చూశాక దిల్ రాజు సినిమా ఓ రేంజ్‌లో ఉందని అన్నాడు. ఇక ఆయ‌న భార్య ఇచ్చిన రియాక్షన్ కూడా కేక అని చెప్పాలి.
సలార్ చిత్రం దేశవ్యాప్తంగా 65 కోట్ల నుండి 70 కోట్ల దాకా షేర్‌ని అందుకునే అవకాశం ఉందని అంటున్నారు. దేశవ్యాప్తంగా 150 కోట్ల గ్రాస్ మార్క్ ని కూడా ఈజీగా అందుకునే ఛాన్స్ ఉందని అంటున్నారు. అంతేకాదు 200 కోట్ల గ్రాస్‌ను అందుకున్న ఆశ్చర్యపడాల్సిన పనిలేదని అంటున్నారు.ఇక చిత్రం రేట్స్ విషయానికి వస్తే.. పెద్ద సినిమాలకు ఫస్ట్ వీక్ టికెట్ రేట్లు పెంచుతోన్న సంగతి తెలిసిందే. అందులో భాగంగా ఈ సినిమాకు కూడా పెంచారు. తెలంగాణ ప్రభుత్వం సింగిల్ స్క్రీన్‌లకు 65 రూపాయలు, మల్టీప్లెక్స్‌లకు 100 రూపాయలు పెంచడం జరిగింది. ఈ పెంచిన టికెట్ల ధరలు డిసెంబర్ 22 నుండి డిసెంబర్ 28 వరకు ఉంటాయి.
