Getup Srinu : జ‌న‌సేన కోసం జ‌బ‌ర్ధ‌స్త్ గ్యాంగ్ ఓ రేంజ్ ప్ర‌చారం.. దుమ్ము రేపుతున్నారుగా..!

Getup Srinu : ఈ సారి ఎన్నిక‌లు హోరా హోరీగా జ‌ర‌గ‌నుండ‌గా, అన్ని పార్టీలు త‌మ ప్ర‌చారంలో దుమ్ము రేపుతున్నాయి. అయితే జ‌న‌సేన కూడా ఈ సారీ త‌మ‌దైన శైలిలో ప్ర‌చారం చేస్తుంది.ఆంధ్రప్రదేశ్ అసెంబ్లీ, పార్లమెంట్ ఎన్నికలలో జనసేన పార్టీ అభ్యర్ధుల పక్షాన ఎన్నికల్లో ప్రచారం చేయడానికి స్టార్ క్యాంపెయినర్లను ప్రకటించారు జనసేన అధినేత పవన్ కళ్యాణ్. పార్టీ రాష్ట్ర ప్రధాన కార్యదర్శి నాగబాబు, అంబటి రాయుడు, కొరియోగ్రాఫర్ జానీ మాస్టర్, మొగలిరేకులు సీరియల్ ఫేమ్ సాగర్ (ఆర్కే నాయుడు), కమెడియన్ పృథ్వీ, కమెడియన్ హైపర్ ఆది, కమెడియన్ గెటప్ శ్రీనులను జనసేన పార్టీ క్యాంపెయినర్ల లిస్ట్‌లో ఉన్నారు. ఓవైపు జగన్.. ప్రజలే తన స్టార్ క్యాంపెయినర్లు అని ప్రచారంలో దూసుకునిపోతుంటే.. పవన్ కళ్యాణ్ జబర్దస్త్ కమెడియన్లను స్టార్ క్యాంపెయినర్లుగా ప్రకటించడం చ‌ర్చ‌నీయాంశంగా మారింది.

పవన్ కళ్యాణ్ ప్రకటించిన జనసేన స్టార్ క్యాంపెయినర్లలో కమెడియన్లే ఎక్కువ ఉండటం విశేషం. పైగా వాళ్లంతా ‘జబర్దస్త్’ కమెడిన్లు కావడంతో.. వైసీపీ వాళ్లు సెటైర్లు వేస్తున్నారు. అయితే జనసేన పార్టీ స్థాపించి తన పార్టీని టీడీపీతో పొత్తు పెట్టుకుని ఎన్నికల బరిలోకి రాబోతున్న సంగతి మనకు తెలిసిందే.ఈ పొత్తులో భాగంగా జనసేన పార్టీకి రెండు పార్లమెంటు స్థానాలు 21 అసెంబ్లీ స్థానాలను కూడా కేటాయించారు అయితే జనసేన పార్టీ అభ్యర్థులు నిలబడిన ప్రతి చోటా గెలిచే విధంగానే వ్యూహాలు రచిస్తూ ముందుకు వెళ్తున్నారు. ఇకపోతే పవన్ కళ్యాణ్ జనసేన పార్టీ తరఫున ఎంతోమంది సిరి సెలెబ్రిటీలు కూడా ప్రచారం చేయడానికి సిద్ధంగా ఉన్నారు.పవన్ కళ్యాణ్ పిలవాలే కానీ తాము ప్రచారానికి వస్తాము అంటూ పలు సందర్భాలలో వెల్లడించారు.

జబర్దస్త్ నటులు రాంప్రసాద్, గెటప్ శీను అనకాపల్లి జనసేన పార్టీ అసెంబ్లీ అభ్యర్థి కొణతాల రామకృష్ణకు మద్దతుగా నియోజకవర్గంలో విస్తృతంగా ప్రచారం చేశారు. అనకాపల్లి రూరల్ మండలంలోని బీఆర్టీ కాలనీలో వీరు ఇంటింటికీ వెళ్లి తెలుగుదేశం, జనసేన, బీజేపీ కూటమి అభ్యర్థులకు ఓటు వేసి గెలిపించాలని కోరుతూ ప్రచారం నిర్వహించారు. వీరి ప్రచారానికి ప్రజల నుంచి మంచి స్పందన లభించింది. జబర్దస్త్ కామెడీ షోతో పాపులారిటీ సంపాదించుకున్న కొందరు నటులు తెలుగుదేశం కూటమికి అనుకూలంగా ప్రచారం చేయడానికి ముందుకు రావడం ప్రాధాన్యత సంతరించుకుంది.