Photo : ఈ ఫొటోలో ఉన్న చిన్నారి ఎవరో గుర్తపట్టారా? ఒకప్పుడు సౌత్లో తన అందం, అభినయంతో దక్షిణాది స్టార్ హీరోయిన్గా రాణించింది. సూపర్ స్టార్ మహేశ్ బాబు, ప్రభాస్, ఎన్టీఆర్, పవన్ కళ్యాణ్, రామ్ పోతినేని, అల్లు అర్జున్ రవితేజ వంటి తెలుగు అగ్ర హీరోల సరసన నటించి ఆకట్టుకుంది ఈ ముద్దుగుమ్మ. అమ్మ ఒడిలో క్యూట్ క్యూట్గా ఫొటోకు ఫోజు ఇచ్చిన ఈ చిన్నారి ఎవరో ఇప్పటికైనా గుర్తొచ్చిందా.
ప్రస్తుతం తనకు తెలుగులో ఆఫర్స్ లేకపోయిన టాలీవుడ్ లో ఆమె క్రేజ్ ఏమాత్రం తగ్గలేదు. అమాయకపు చూపులు, క్యూట్ స్మైల్, కవ్వించే నడుము వయ్యారంతో కుర్రాళ్ల గుండెల్లో నిలిచిపోయింది. ఈ మధ్య సినిమాలకు కాస్తా బ్రేక్ ఇచ్చిన ఈ భామ ఇటీవల తెలుగులో రీఎంట్రీ కూడా ఇచ్చింది. ఆమె ఇంకెవరో కాదు. దేవదాసు సినిమాతో టాలీవుడ్ లోకి ఎంట్రీ ఇచ్చిన గోవా బ్యూటీ ఇలియాన.
మొదటి సినిమాతోనే తన అందచందాలతో దర్శక నిర్మాతల దృష్టిని ఆకర్షించిన ఇలియాన.. ఆ తర్వాత వరసగా తెలుగు స్టార్ హీరోల సరసన నటించి బాక్సాఫీసు వద్ద వరస హిట్లను అందుకుంది. తెలుగులో దాదాపు స్టార్ హీరోలందరితోనూ కలిసి నటించింది. ‘దేవదాసు’ సినిమాతో తెలుగు తెరకు పరిచయమైన ఇలియానా.. మొదటి చిత్రమే సక్సెస్ కావడంతో వరుస ఆఫర్లతో దూసుకుపోయింది. పోకిరి, జల్సా, కిక్ వంటి ఎన్నో చిత్రాలలో నటించి హిట్స్ ను తన కైవసం చేసుకుంది. బర్ఫీ చిత్రంతో బాలీవుడ్ ఎంట్రీ ఇచ్చి తెలుగు తెరకు దూరమైంది. బాలీవుడ్ లో కూడా వరుస ఆఫర్లు దక్కించుకొని టాప్ హీరోయిన్ల లిస్ట్ లోకి చేరిపోయింది ఇలియానా. ఇలియానా ప్రస్తుతం అన్ ఫెయిర్ అండ్ లవ్లీ, శీర్ష గుహ ఫిల్మ్ సంస్థలో ఒక చిత్రంలో నటిస్తూ బిజీగా ఉంది.
