Kajal Aggarwal : టాలీవుడ్ చందమామ కాజల్ అగర్వాల్ గురించి ప్రత్యేక పరిచయాలు అక్కర్లేదు. ఈ అమ్మడు టాలీవుడ్ స్టార్ హీరోయిన్గా సత్తా చాటుతుంది. కెరీర్ పీక్స్లో ఉన్నప్పుడు పెళ్లి చేసుకుంది. అయినప్పటికీ వరుస సినిమాలతో అలరిస్తుంది. లక్ష్మీ కళ్యాణం సినిమాతో హీరోయిన్ గా పరిచయం అయింది కాజల్.ఆతర్వాత వరుస సినిమాలతో ఫుల్ బిజీగా మారింది . తక్కువ సమయంలోనే స్టార్ హీరోయిన్ గా మారిపోయింది కాజల్ అగర్వాల్. రీసెంట్గా భగవంత్ కేసరి చిత్రంతో మంచి హిట్ అందుకుంది. ఈ బ్యూటీకి వరుస ఆఫర్స్ వస్తున్నాయని తెలుస్తోంది. అయితే కాజల్ కేవలం సీనియర్ హీరోలతోనే సినిమాలు చేస్తుందా లేదా యంగ్ హీరోల సినిమాల్లోనూ నటిస్తుందా అని ఫ్యాన్స్ చర్చించుకుంటున్నారు.
కాజల్ ప్రస్తుతం సినిమాలతో బిజీగా ఉంది. మరో వైపు ఫ్యామిలీకి టైం కేటాయిస్తోంది. టాలీవుడ్లో కాజల్ హవా మళ్లీ మొదలయ్యేలా ఉంది. ఇక ప్రస్తుతం కొత్త ఇంట్లోకి వెళ్లింది. ఈ మేరకు కాజల్ వేసిన పోస్ట్ వైరల్ అవుతోంది.గత కొన్ని రోజుల క్రితమే కాజల్ నూతన గృహ ప్రవేశం చేసినట్టుగా కనిపిస్తోంది. కాజల్ తన ఫ్యామిలీతో కలిసి పూజలు చేసిన సంగతిని బయటకు చెప్పేసింది, కొత్త ఇంట్లోకి వెళ్లినట్టు, ఇలా పూజలు చేసిననట్టుగా, గృహ ప్రవేశ వేడుకకు సంబంధించిన ఫోటోలను షేర్ చేసింది. ఎంతో సంతోషంగా ఉందని, ఎన్నో ఎమోషన్స్ ఒక్కసారిగా వస్తున్నాయని కాజల్ ఎమోషనల్ అయింది. కాజల్ తన భర్త, కొడుకు, తల్లిదండ్రులతో కలిసి ఈ వేడుకలో సందడి చేయగా, ఆ పిక్స్ వైరల్ అవుతున్నాయి.
ఇక కాజల్ తాజాగా ఎయిర్ పోర్ట్లో మెరిసింది. క్యూట్ లుక్లో కనిపించి మంత్ర ముగ్ధులని చేసింది. మేకప్ లేకున్నా కూడా కాజల్ చాలా అందంగా కనిపించడంతో అభిమానులు ఖుష్ అవుతున్నారు. వయస్సు పెరుగుతున్నా కూడా కాజల్ అందం ఏ మాత్రం తగ్గడం లేదని కామెంట్ చేస్తున్నారు. కాజల్కు పెళ్లి టైంలో, తల్లి అయిన టైంలో బాగానే ఆఫర్లు వచ్చాయి.కానీ వాటిని కాజల్ వదిలేసుకుంది. వృత్తికంటే వ్యక్తిగతపు జీవితానికే ఓటు వేసింది. అలా నాగ్ ఘోస్ట్ సినిమాను వదిలేసుకుంది. ఆచార్యలో అయితే కాజల్ నటించినా కూడా ఆమె పాత్రను ఎడిటింగ్లో లేపేశారు.
