Mahesh Babu Ad : సూపర్ స్టార్ మ‌హేష్ బాబు ఒక‌వైపు సినిమాలు మ‌రోవైపు యాడ్స్ చేస్తూ కోట్లాది రూపాయ‌లు ఆర్జిస్తున్నాడు. త‌న‌కు వ‌చ్చిన డ‌బ్బులో స‌గ భాగం సేవా కార్య‌క్ర‌మాల‌కి కూడా ఉప‌యోగిస్తున్నాడు. అయితే సూపర్ స్టార్ మహేశ్ బాబు ప్ర‌ధాన పాత్ర‌లో ఓ చిత్రం రూపొందుతుంది. . గ్లోబల్ రేంజ్‍లో అత్యంత భారీ బడ్జెట్‍తో ఆ చిత్రం తెరకెక్కనుంది. ఆ చిత్రంతో బిజీ అయ్యే ముందు కొన్ని యాడ్స్ చేస్తున్నారు మహేశ్. ఇటీవల మహేశ్ కొత్త లుక్ అభిమానులను విపరీతంగా ఆకట్టుకుంది. మహేశ్ బాబు ఇటీవల చేసిన ఓ యాడ్ వీడియో తాజాగా బయటికి వచ్చింది. సూపర్ స్టార్ అభిమానులను ఈ యాడ్ వీపరీతంగా ఆకట్టుకుంటోంది. మహేశ్ బాబు చేసిన మౌంటెన్ డ్యూ యాడ్ ప్ర‌తి ఒక్క‌రికి మంచి వినోదం పంచుతుంది.
ఈ యాడ్లో లాంగ్ హెయిర్‌లో కొత్త లుక్‍తో దీంట్లో మహేశ్ బాబు కనిపించారు. యాక్షన్ స్టంట్‍తో ఈ యాడ్ ఉంది. చిక్కుల్లో ఉన్న స్నేహితుడిని కాపాడేందుకు ఈ యాడ్లో రిస్క్ చేస్తారు మహేశ్. మొనగాడురా.. భయపడడురా అంటూ బ్యాక్‍గ్రౌండ్ సాంగ్ కూడా ఆకట్టుకుంది. ఓ థ్రిల్లింగ్ యాక్షన్ సీన్‍లా ఈ యాడ్ సాగింది. రాజేంద్రప్రసాద్‌తో కలిసి అభిబస్ కోసం ఓ రెండు కొత్త యాడ్స్ చేశారు. ఎక్కడికి వెళ్లాలన్నా, ఎప్పుడైనా అనే కాన్సెప్ట్‌తో అభిబస్ యాడ్ చేశారు. ఈ రెండు ప్రచార చిత్రాల్లో కూడా కామెడీని హైలైట్ చేశారు. ఈ యాడ్‌ను టాలీవుడ్ యువ ద‌ర్శ‌కుడు అనిల్ రావిపూడి డైరెక్ట్ చేశారు. గతంలోనే ఈ ప్రచార చిత్రం తాలూకు ఓ వర్కింగ్ స్టిల్‌ను ఆయ‌న షేర్ చేయ‌డం జ‌రిగింది. ప్రస్తుతం మహేశ్ బాబు కొత్త యాడ్స్ తాలూకు వీడియోలు నెట్టింట వైరల్ అవుతున్నాయి.
ఈ యాడ్లో మహేశ్ బాబు కనిపించిన తీరు అభిమానులను విపరీతంగా ఆకట్టుకుంటోంది. ముఖ్యంగా గాలికి మహేశ్ లాంగ్ హెయిర్ ఊగిన క్లిప్ వైరల్ చేస్తూ.. సింహంతో మహేశ్ లుక్‍‍ను కొందరు పోలుస్తున్నారు. లయన్ కింగ్‍లా మహేశ్ ఉన్నాడంటూ ఓ మీమ్ కూడా బాగా వైరల్ అవుతోంది. రాజమౌళితో చేసే మూవీతో ప్రపంచాన్ని మహేశ్ బాబు ఏలేస్తాడంటూ ఫ్యాన్స్ సంబరపడుతున్నారు.
