Namitha : 2002 సంవత్సరం సొంతం చిత్రంతో తెలుగు ప్రేక్షకులకు పరిచయమైంది నమిత. ఆ తర్వాత జెమినీ చిత్రంలో వెంకటేష్ తో హీరోయిన్ గా నటించిన ఆ చిత్రం పరాజయం కావడంతో ఆమెకు అంత గుర్తింపు దక్కలేదు. నమితకు తెలుగు ప్రేక్షకుల్లో బాగా గుర్తింపు తెచ్చిన చిత్రం మాత్రం యంగ్ రెగబస్టార్ ప్రభాస్ నటించిన బిల్లా చిత్రంతోనే అని చెప్పాలి. ఆ తర్వాత 2010 లో నందమూరి బాలకృష్ణ నటించిన సింహ సినిమాలో ప్రొఫెసర్ పాత్రలో కనిపించి ప్రేక్షకులను ఆకట్టుకుంది.
కానీ ఆ తర్వాత మన తెలుగు సినిమాల్లో ఎక్కువగా కనిపించలేదు నమిత. ఇక 2017 లో వీరేంద్ర చౌదరిని పెళ్లి చేసుకున్న నమిత సినిమాలకు దూరంగా ఉంటుంది. కొన్ని నెలల క్రితమే పండంటి ఇద్దరు కవల మగ పిల్లలకు జన్మనిచ్చింది నమిత. అయితే నమిత భర్త వీరేంద్ర చౌదరి కూడా నటుడే అనే విషయం మన తెలుగువారిలో చాలా మందికి తెలియదు.
వీరేంద్ర చౌదరి తెలుగులో ఇప్పటివరకు ఒక సినిమా కూడా చేయలేదు. కానీ తమిళ్ లో మాత్రం చాలా సినిమాలు నటించారు. కానీ పెళ్లి తర్వాత ఆయన సినిమాలు కొంచెం దూరంగా ఉంటూ ప్రొడ్యూసింగ్ పైనే ఎక్కువ దృష్టి పెట్టారు. ఇక ఇదే విషయాన్ని తాజాగా ఆయనను ఓ ఇంటర్వ్యూ లో ప్రశ్నించగా.. నేను ఇప్పుడు కూడా సినిమాలో ఎక్కువగానే నటిస్తున్నాను. ప్రస్తుతం నేను ఆరు సినిమాలలో నటిస్తున్నాను. అందులో కొన్ని సెట్స్ పై ఉండగా మరికొన్ని విడుదలకు సిద్ధంగా ఉన్నాయి.
ఈ ఆరు సినిమాల్లో ఆరు డిఫరెంట్ క్యారెక్టర్స్ చేస్తున్నాను. కొన్ని సినిమాల్లో విలన్ గా చేస్తే, ఇంకొన్ని సినిమాలో హీరోగా నటిస్తున్నాను అని వీరేంద్ర చెప్పుకుచ్చారు. ఇప్పుడు తెలుగులో కూడా సినిమాలు చేయాలనీ ప్రయత్నిస్తున్నాను. మంచి కథ కోసం వెయిట్ చూస్తున్నాను. మంచి కథ వచ్చిన వెంటనే తెలుగులో తప్పకుండా సినిమా చేస్తా. ఇక నమితతో కలిసి చేయడానికి కూడా నాకు ఎలాంటి అభ్యంతరం లేదు. తనకు జోడిగా చేయమన్న ఓకే. లేదా తనకు వ్యతిరేకంగా నైనా సరే ఎలా అయిన నాకు సెట్ అయ్యే పాత్రలో తప్పకుండ నటిస్తా అని వీరేంద్ర చౌదరి ఇంటర్వ్యూ ద్వారా తన అభిప్రాయాన్ని వ్యక్తం చేశారు.
