Shriya Saran : ఒకప్పుడు టాలీవుడ్ టాప్ హీరోయిన్గా సత్తా చాటిన అందాల ముద్దుగుమ్మ శ్రియ ఇప్పుడు సోషల్ మీడియాలో తెగ సందడి చేస్తుంది. అప్పట్లో శ్రియ టాప్ హీరోల అందరితో కలిసి పని చేసింది. ఇక ఇప్పుడు కూడా తెలుగులో శ్రియ అడపాదడపా చిత్రాలు చేస్తున్నారు.అయితే ఆమెకు బాలీవుడ్ లో వయసుకు తగ్గ పాత్రలు రావడం విశేషం. సీనియర్ స్టార్స్ పక్కన ఆమెకు ఆఫర్స్ దక్కుతున్నాయి. ఆర్ ఆర్ ఆర్ మూవీలో శ్రియా నటుడు అజయ్ దేవ్ గణ్ భార్యగా తళుక్కున మెరిసి అలరించింది. ఒక ప్రక్క హ్యాపీ మ్యారీడ్ లైఫ్ అనుభవిస్తూ మరో ప్రక్క చక్కగా సినిమాలు చేస్తుంది శ్రియ. అటు పర్సనల్ లైఫ్ ఇటు ప్రొఫెషనల్ లైఫ్ బ్యాలన్స్ చేస్తూ ముందుకు సాగుతుంది.
తాజాగా ఓ ఇంటర్వ్యూలో శ్రియ తన కెరీర్ గురించే కాకుండా ప్రగ్నెన్సీని దాచడానికి గల కారణాన్ని కూడా వెల్లడించింది. రష్యాకి చెందిన ఆండ్రీ కొచ్చీవ్తో 2018, మార్చి 19న శ్రియ వివాహం కాగా, ఆ ఏడాది తర్వాత ఆమె ప్రగ్నెంట్ అయింది. ఆ విషయం మాత్రం మీడియాకి తెలియకుండా జాగ్రత్తపడింది. అలా అని సినిమాలకి ఏమీ దూరంగా లేదు. ప్రగ్నెంట్గా ఉన్న సమయంలోనూ షూటింగ్కి హాజరైనట్లు శ్రియ చెప్పుకొచ్చింది. ఈ ఏడాది విడుదలైన ‘ఆర్ఆర్ఆర్’ సినిమాలో కూడా శ్రియ నటించింది. అయితే ప్రగ్నెన్సీ విషయం ఎందుకు దాచాల్సి వచ్చింది అనే దానిపై స్పందించిన శ్రియ..‘‘ఒక నటిగా ఆ విషయం చెప్పేందుకు చాలా భయపడ్డాను. ఒకవేళ మీడియాకి తెలిస్తే? ఆ మధుర క్షణాల్ని అనుభవించలేమో అని కంగారుపడ్డాను.
ప్రగ్నెన్సీ కారణంగా కొంత లావు అయ్యాను. అలానే శరీరంలో కూడా మార్పులు వచ్చాయి. దాంతో మీడియాతో పాటు సోషల్ మీడియాలో ఏం రాస్తారో అనే భయం నాలో కలిగింది. అలానే ఒకసారి నేను ప్రగ్నెంట్ అని తెలిసిన తర్వాత మళ్లీ ఇండస్ట్రీలోకి రీఎంట్రీ ఇవ్వాలంటే చాలా సమయం పడుతుంది. అప్పటికే నా చేతిలో మూడు సినిమాలు ఉండగా, ఆ విషయం ఎవరికీ చెప్పకుండా ఆ సినిమాల్లో నటించాను. కానీ నెలలు పెరిగే కొద్దీ సినిమాలకి దూరంగా ఉన్నాను అని శ్రియ చెప్పుకొచ్చింది. అయితే ఇటీవల శ్రియ తన కూతురితో కలిసి తెగ సందడి చేస్తుంది.
