Rishabh Pant : బాలీవుడ్ హాట్ బ్యూటీ ఊర్వ‌శీ రౌటేలా యంగ్ క్రికెట‌ర్ రిషబ్ పంత్ ల మ‌ధ్య వివాదం చాలా మందికి తెలిసే ఉంటుంది. క్రికెట్, సోష‌ల్ మీడియాల‌ను ఫాలో అయ్యే వారికి వీరిద్ద‌రి గురించి ప‌రిచ‌యం అవ‌స‌రంలేదు. గ‌తంలో వీరిద్ద‌రూ కొంత‌కాలం డేటింగ్ కూడా చేశారు. అది కూడా అతి కొద్ది రోజులు మాత్ర‌మే సాగింది. ఆ త‌రువాత వీరిద్ద‌రూ బ‌ద్ద శ‌త్రువులుగా మారిపోయారు. చాలా సంద‌ర్భాల్లో వీరిద్ద‌రి మ‌ధ్య సోష‌ల్ మీడియాలో మాట‌ల యుద్ధం కూడా న‌డిచింది. అయితే తాజాగా ఊర్వ‌శి త‌న ఇన్ స్టాగ్రామ్ లో పెట్టిన పోస్ట్ తో వీరి వివాదం మ‌రొక్క‌సారి తెర‌మీదికి వ‌చ్చింది. క్రికెట్ అభిమానులు త‌న‌ని దారుణంగా ట్రోల్ చేయ‌డం స్టార్ట్ చేశారు.
ఊర్వ‌శి ఇన్ స్టాగ్రామ్ లో త‌ను ఫ్లైట్ లో ఉన్న ఫోటోల‌ను షేర్ చేస్తూ త‌న హృద‌యాన్ని ఫాలో అయితే అది త‌నను ఆస్ట్రేలియాకి తీసుకొచ్చింద‌ని రాసింది. ఇది సోష‌ల్ మీడియాలో దుమారానికి దారి తీసింది. ఆమెకు రిషబ్ తో ఉన్న సంబంధంపై చ‌ర్చ‌కు ఊతం ఇచ్చిన‌ట్టుగా అయ్యింది. ఇలా ఆమె ఆస్ట్రేలియాకి వ‌చ్చిన‌ట్టుగా తెల‌ప‌గానే నెటిజ‌నులు వివిధ ర‌కాలుగా స్పందించ‌డం మొద‌లు పెట్టారు. రిషబ్ ను ఆమె ఫాలో చేస్తుంద‌ని ట్రోల్ చేస్తున్నారు. రిషబ్ వెంట‌బ‌డ‌డం ఆపాల‌ని, ఆమె అత‌న్ని వ‌ద‌ల‌ద‌ని, నువ్వు నిజంగా రిషబ్ కోసం వ‌చ్చావా అనీ.. ఇలా వివిధ ర‌కాలుగా ఊర్వ‌శీని కామెంట్ చేస్తున్నారు.
ఇది ఇలా ఉండ‌గా వ‌చ్చే వారం నుండి మొద‌లు కానున్న పురుషుల టీ20 వ‌ర‌ల్డ్ క‌ప్ టోర్న‌మెంట్ లో పాల్గొనేందుకు టీమిండియా అక్టోబ‌ర్ 7న ఆస్ట్రేలియాలో అడుగుపెట్టింది. ఈ క్ర‌మంలో టీమిండియా కొన్ని ప్రాక్టీస్ మ్యాచుల‌ను కూడా ఆడ‌నుంది. అయితే అక్క‌డి ప‌రిస్థితుల‌కు అల‌వాటు ప‌డ‌డానికి గాను అంద‌రికంటే కాస్త ముందుగానే టీమిండియా ఆస్ట్రేలియా చేరుకుంద‌ని తెలిసింది.
