Rajasekhar: టాలీవుడ్‌ బెస్ట్‌ కపుల్‌లో రాజశేఖర్- జీవితల జోడీ ఒకటిగా చెప్ప‌వ‌చ్చు. 1991లో ప్రేమించి పెళ్లి చేసుకున్న ఈ జంటకు శివానీ, శివాత్మిక ఇద్దరు కూతుర్లు ఉండ‌గా, వీరిద్ద‌రు కూడా ప్ర‌స్తుతం సినిమా రంగంలో రాణిస్తున్నారు. అయితే రాజశేఖర్, జీవిత ప్రేమ ప్ర‌యాణం గురించి చాలా త‌క్కువ మందికి తెలుసు. ఓ ప్రైవేట్ కార్య‌క్ర‌మంలో పాతికేళ్ల వారి ప్ర‌యాణం గురించి వారిద్ద‌రూ మాట్లాడుతూ పలు ఆస‌క్తిక‌ర‌మైన విష‌యాల‌ను తెలియ‌జేశారు. ఇవి విని వారి అభిమానులు ఆశ్చ‌ర్య‌పోతున్నారు.
రాజ‌శేఖ‌ర్‌ను జీవిత ప్రేమిస్తుంద‌నే విష‌యం తెలిసిన ద‌ర్శ‌కేంద్రుడు రాఘ‌వేంద్ర‌రావు జీవిత‌ను పిలిచి, రాజశేఖర్ విల‌న్‌లా ఉన్నాడు, అత‌నిని న‌మ్మ‌కు అని జీవిత‌కు స‌ల‌హా కూడా ఇచ్చార‌ట. అయితే ఒకసారి రాజశేఖర్ నా వద్దకు వచ్చి మీరు నాపై ఇంట్రెస్ట్‌ చూపిస్తున్నారని అనిపిస్తోంది అని నేరుగా అడిగేశాడు. అప్పుడు ఆయనలో ఆ ఫ్రాంక్‌నెస్‌ బాగా నచ్చింది’ అని జీవిత చెప్పుకొచ్చింది. రాజశేఖర్ మ‌రో అమ్మాయిని పెళ్లి చేసుకుంటార‌ని తెలిసి ఎంతో ఫీల‌య్యాను. అప్పుడు ఆయ‌న‌కు అంబాసిడ‌ర్ కారు ఉండేది. ఓ రోజు డ్రైవింగ్ సీట్లో రాజశేఖర్, ప‌క్క సీట్లో ఆయ‌న పెళ్లి చేసుకోవాల‌నుకున్న అమ్మాయి కూర్చున్నారు.
వెనుక సీట్లోనేను కూర్చున్నాను. చాలా బాధ వేసింది. ఏడ్చేశాను అని జీవిత చెప్పుకొచ్చింది. ఇక అదే సమయంలో రాజశేఖర్ మాట్లాడుతూ మీరు పెళ్లి చేసుకోకపోయినా పర్లేదు. మీతోనే ఉంటానని జీవిత చెప్ప‌డంతో నేను చాలా ఎమోష‌న‌ల్ అయ్యాను అని రాజశేఖర్ అన్నారు. ఆమె ప్రేమే నాకు నచ్చింది అని రాజశేఖర్ స్ప‌ష్టం చేశారు. ఇప్పుడు ఇద్దరు ఎక్క‌డికి వెళ్లిన క‌లిసి క‌ట్టుగా వెళతారు. వారిరివురిని చూసి ఇప్ప‌టికీ చాలా మంది ఆద‌ర్శంగా తీసుకుంటారు. రీల్ లైఫ్‌లో క‌లిసి రియ‌ల్ లైఫ్‌లో ఒక్క‌టైన ఈ జంట ఎప్ప‌టికీ ఇంతే ఆనందంగా ఉండాలని ఫ్యాన్స్ ఆశిస్తున్నారు.
