Lavanya Tripathi : మెగా బ్ర‌ద‌ర్ నాగబాబు త‌నయుడు వరుణ్ తేజ్ తో నిశ్చితార్థం జ‌రుపుకొని మెగా కోడ‌లిగా మారింది లావణ్య త్రిపాఠి. మెగా ప్రిన్స్ వరుణ్ తేజ్, లావణ్య త్రిపాఠి ల ఎంగేజ్మెంట్ జూన్ 9న రాత్రి నాగబాబు ఇంట్లో ఘనంగా జరిగింది. అత్యంత సన్నిహితులు మాత్రమే ఈ ఎంగేజ్మెంట్ వేడుకకు హాజరయ్యారు. మెగాస్టార్ చిరంజీవి కుటుంబమంతా వరుణ్ తేజ ఎంగేజ్మెంట్ లో సందడి చేశారు. ఈ వేడుకకు పలువురు సినీ, రాజకీయ ప్రముఖులు హాజరై కాబోయే దంపతులకి ఆశీర్వ‌చ‌నాలు అందించారు. . వరుణ్ తేజ్ పెదనాన్న చిరంజీవి, పెద్దమ్మ సురేఖల సమక్షంలో వరుణ్ తేజ్ లావణ్య త్రిపాఠి కి ఎంగేజ్మెంట్ రింగ్ తొడిగాడు. ఇక ఆ ఫోటోలను ట్విట్టర్లో పోస్ట్‌ చేసి అందరితో పంచుకున్న మెగాస్టార్ చిరంజీవి వారికి సోషల్ మీడియా వేదికగా శుభాకాంక్షలు తెలిపారు
లావణ్య త్రిపాఠి, వరుణ్ తేజ్‌లు మిస్ట‌ర్, అంతరిక్షం వంటి సినిమాల్లో నటించగా షూటింగ్ సెట్ లో ప్రేమ చిగురించిందని చెబుతున్నారు. ఇక 2016 నుంచి ప్రేమలో ఉన్న వరుణ్ తేజ్-లావణ్య త్రిపాఠి ఏడాది చివ‌రిలో పెళ్లి పీట‌లెక్క‌నున్నారు. అయితే వరుణ్ తో నిశ్చితార్థం త‌ర్వాత లావణ్య త్రిపాఠికి సంబంధించి అనేక వీడియోలు నెట్టింట తెగ హ‌ల్‌చ‌ల్ చేస్తున్నాయి. ఈ క్ర‌మంలోనే తాజాగా లావణ్య త్రిపాఠి డ్యాన్స్ వీడియో సోషల్ మీడియాని షేక్ చేస్తుంది. సాదార‌ణంగా లావణ్య త్రిపాఠి మంచి న‌టి మాత్రమే కాదు డ్యాన్స‌ర్ కూడా.
ఇటీవ‌ల ఈ అమ్మ‌డు పలువురు చిన్న పిల్ల‌ల‌తో క‌లిసి స‌ర‌దాగా గ‌డిపింది. ఆ సంద‌ర్భంలో భలే భలే మ‌గాడివోయ్ చిత్రంలోని ఓ పాట‌కి చిన్నారితో క‌లిసి స‌ర‌దాగా డ్యాన్స్ చేసింది. ఇందులో లావణ్య క్యూట్ స్టెప్స్ కి ప్ర‌తి ఒక్క‌రు ఫిదా అయ్యారు. పాత వీడియో ఇప్పుడు సోషల్ మీడియాని షేక్ చేస్తుంది. లావణ్య త్రిపాఠి డ్యాన్స్‌ని ప‌దే ప‌దే చూస్తూ ఎంజాయ్ చేస్తున్నారు. ఇక ఇదిలా ఉంటే వరుణ్ తేజ్, లావణ్య త్రిపాఠి ల ఎంగేజ్మెంట్ తో మెగా ఫ్యామిలీలో మరో పెళ్లి సందడి మొదలైంది అని చెప్పాలి.
