OTT : ఒక‌వైపు థియేటర్స్‌లో ప‌లు సినిమాలు సంద‌డి చేస్తున్నా కూడా ఓటీటీలో విడుద‌ల‌య్యే సినిమాల కోసం ఫ్యాన్స్ ఎంతో ఆస‌క్తిగా ఎదురు చూస్తున్నారు. ఎప్పుడూ కూడా సినీ ప్రియులు మంచి కంటెంట్ ఉన్న చిత్రాలను ఆదరించడంలో ముందుంటారు. అదే క్ర‌మంలో ఓటీటీలలో బడ్జెట్‌తో సంబంధం లేకుండా వరుసపెట్టి చిత్రాలు, వెబ్‌సిరీస్‌లు రిలీజ్ అవుతున్నాయి. ఈ వారం రిలీజ్ కాబోతున్న ప‌లు చిత్రాల విష‌యానికి వ‌స్తే మెగాస్టార్ చిరంజీవి నటించిన గాడ్ ఫాదర్ చిత్రంతో పాటు ప‌లు సినిమాలు విడుద‌ల‌కి సిద్ధంగా ఉన్నాయి.
ఈ వారం అమెజాన్ ప్రైమ్ వీడియో, నెట్‌ఫ్లిక్స్, జీ 5, హాట్‌స్టార్, సోనీ లివ్ మరియు ఇతర ఓటీటీ ప్లాట్‌ఫారమ్‌లలో విడుద‌ల కానున్న సినిమాల‌ని చూస్తే.. 1899 నెట్‌ఫ్లిక్స్ ఒరిజినల్ సిరీస్ థ్రిల్లర్ కాగా, బెర్ముడా ట్రయాంగిల్ మిస్టరీ ఆధారంగా రూపొందిన ఈ సిరీస్‌ను ఈ నెల 17న నెట్‌ఫ్లిక్స్‌లో ప్రదర్శించనున్నారు. ఇక చిరంజీవి నటించిన గాడ్ ఫాదర్ చిత్రం మంచి రివ్యూల‌ని పొందింది కానీ అది బాక్సాఫీస్ వద్ద పెద్ద‌గా క‌లెక్ష‌న్స్ రాబ‌ట్టలేక‌పోయింది. ఈ మూవీని నెట్‌ఫ్లిక్స్ ఫ్యాన్సీ ధరకు దక్కించుకుందని గతంలో వార్తలు వచ్చాయి. ఈ చిత్రం ఈ నెల 19 నుంచి నెట్‌ఫ్లిక్స్‌లో ప్రసారం కానుంది.
కార్తీ నటించిన సర్దార్ చిత్రం బాక్సాఫీస్ వద్ద మంఇ వసూళ్లు సాధించింది. థ్రిల్లర్ డ్రామా గా రూపొందిన ఈ చిత్రం నవంబర్ 18న ఆహా వీడియోలో ప్రీమియర్ అవుతుంది. ఇక అహ నా పెళ్లంట ఈ నెల 17న జీ 5లో ప్రీమియర్ అవుతుంది ఈ చిత్రంలో రాజ్ తరుణ్, శివాని రాజశేఖర్, ఆమని, హర్షవర్ధన్, పోసాని తదితరులు ముఖ్య పాత్రలు పోషించగా సంజీవ్ రెడ్డి దర్శకత్వం వహించారు. ఇది థియేట‌ర్ లో పెద్ద‌గా అల‌రించ‌లేక‌పోయింది. మ‌రి ఓటీటీలో ఎంతగా అల‌రిస్తుంద‌నేది చూడాలి.
