Ali Basha : టాలీవుడ్ లో కొంద‌రు స్టార్స్ మధ్య మంచి స్నేహం ఉంటుంద‌నే విషయం తెలిసిందే. కొన్ని స్నేహాలు మ‌న అందరినీ ఆకర్షిస్తుంటాయి. ముఖ్యంగా పవర్ స్టార్ పవన్ కళ్యాణ్ కి చాలా త‌క్కువ‌గా ఫ్రెండ్స్ ఉంటారు. వాళ్లల్లో ఒకరు దర్శకుడు త్రివిక్రమైతే మరొకరు తెలుగువారిని తన నవ్వులతో పువ్వులు పూయిస్తున్న ఆలీ. ఆలీ, పవన్ కళ్యాణ్ స్నేహం ఇప్పటిది కాదు. పవన్ కళ్యాణ్ కి త్రివిక్రమ్ తో పరిచయం లేని ముందు నుంచి కూడా ఆలీ పవన్ మంచి మిత్ర‌లు.. అసలు పవన్ సినిమా చేస్తున్నాడంటే అందులో ఆలీ త‌ప్పనిస‌రిగా ఉండాల్సిందే. కానీ కొద్ది రోజుల నుంచి వీరి స్నేహం కొనసాగుతుందని ఎవరికి అనిపించడం లేదు.
పవన్ సినిమాల్లో ఆలీ కనిపించకపోవడమే . అంతేకాదు ఇటీవ‌ల ఆలీ కూతురి పెళ్లికి కూడా పవన్ కళ్యాణ్ రాక‌పోవ‌డంతో ఇద్ద‌రి మధ్య విభేదాలు తీవ్ర స్థాయిలో ఉన్నాయ‌ని అంద‌రు భావించారు. అయితే ఎట్ట‌కేల‌కు ఈ వార్త‌ల‌కి ఆలీ ఒక క్లారిటీ ఇచ్చే ప్ర‌య‌త్నం చేశాడు. ఈవీలో వచ్చే ఆలీతో సరదాగా షో ఎంత పాపులర్ అయిందో మనందరికీ తెలిసిందే. ప్రతివారం ఎవరో ఒక సెలబ్రిటీని తీసుకొచ్చి వారిని ఎన్నో విషయాలు అడిగి సమాధానాలు రాబరుతాడు ఆలీ. అయితే ఈసారి ఆలీ గెస్ట్‌గా రాగా, ఆయ‌న‌ని ఇంట‌ర్వ్యూ చేయడానికి వచ్చిన యాంకర్ సుమ వచ్చింది.
ఆలీతో సరదాగా’350 ఎపిసోడ్లను పూర్తి చేసుకున్న సందర్భంగా ఈ వెరైటీ ఎపిసోడ్ ని ప్లాన్ చేశారు ఈ టీవీ మేకర్స్. ఇక ఈ ఎపిసోడ్ ప్రోమో తాజాగా విడుదల కాగా, ఇందులో సరదాగా సాగుతున్న ఎపిసోడ్ మధ్యలో సుమ ‘పవన్ కల్యాణ్ కి మీకూ మధ్య గ్యాప్ ఎందుకు వచ్చింది’ అని అడిగింది. ఇక దీనికి సమాధానం గా ఆలీ, ‘గ్యాప్లేదు. గ్యాప్ క్రియేట్ చేశారు’ అంటూ సమాధానం చెప్పారు. అయితే సమాధానం మాత్రం స‌స్పెన్స్ లో ఉంచ‌గా, అసలు ఆలీ ఏమి చెబుతాడు అని అందరూ ఆసక్తిగా ఎదురు చూస్తున్నారు. కానీ అసలు విషయం తెలియాలంటే పూర్తి ఎపిసోడ్ చూడాల్సిందే.
