Amala Paul : అమలాపాల్.. ఈ పేరు తెలియని తెలుగు సినీ ప్రేక్షకులు లేరు. బెజవాడ సినిమాతో తెలుగు సినీ రంగంలో అడుగు పెట్టిన ఈ ముద్దుగుమ్మ 2012లో లవ్ ఫెయిల్యూర్ సినిమాలో కనిపించింది. ఆ తర్వాత మెగా పవర్ స్టార్ రామ్ చరణ్ తో 2013లో నాయక్ సినిమాలో కనిపించి అదరగొట్టింది. అల్లు అర్జున్ తో కలిసి ఇద్దరమ్మాయిలతో సినిమాలో నటించి మెప్పించింది. తన అందం, అభినయంతో అతి తక్కువ కాలంలోనే స్టార్ హీరోయిన్ గా మారిపోయింది. జెండాపై కపిరాజు, మేము, ఆమె వంటి చిత్రాల్లోనూ కనిపించి తెలుగు సినీ ప్రేక్షకుల గుండెల్లో తనకంటూ ప్రత్యేక స్థానాన్ని సంపాధించుకుంది.
కేవలం తెలుగులోనే కాకుండా మలయాళ, తమిళ, కన్నడ చిత్రాల్లోనూ నటించి మెప్పించిన ఈమె.. అతి తక్కువ కాలంలోనే స్టార్ హీరోయిన్ గా మారిపోయింది. ఓవైపు సినిమాల్లో ఫుల్ బిజీగా ఉంటూనే మరోవైపు సోషల్ మీడియాలోనూ చాలా యాక్టివ్ గా ఉంటుంది. ఎప్పటికప్పుడు తనకు సంబంధించిన పర్సనల్ తో పాటు ప్రొఫెషనల్ లైఫ్ కు సంబంధించిన విషయాలను వెల్లడిస్తుంటుంది. ఈ అమ్మడికి గతంలో పెళ్లి జరగగా, ఆ పెళ్లి పెటాకులు అయింది. ఇప్పుడు మరో పెళ్లికి సిద్ధమైనట్టు తెలుస్తుంది. నటి అమలా పాల్ తన నిశ్చితార్ధం వీడియోతో ఒక్కసారిగా మళ్లీ వార్తల్లో నిలిచారు. తన బర్త్ డే రోజు బాయ్ ఫ్రెండ్ జగత్ దేశాయ్తో నిశ్చితార్ధం జరిగినట్లు ఓ వీడియో వైరల్ అవుతోంది. ఇంతకీ అమలా పాల్ రెండో పెళ్లి చేసుకోబోతున్న జగత్ దేశాయ్ ఎవరు అని ఆరాలు తీస్తున్నారు.
తన 32 వ బర్త్ డే రోజు ఆమె బాయ్ ఫ్రెండ్ జగత్ దేశాయ్ ఆమెకు ప్రపోజ్ చేసిన వీడియో వైరల్ అవుతోంది. జగత్ దేశాయ్ ఆమెకు నేలపై కూర్చుని ప్రపోజ్ చేయడమే కాదు .. వేలికి రింగ్ తొడిగాడు. వెంటనే అమలా అతనికి ముద్దిచ్చింది. ‘ నా జిప్సీ క్వీన్ ఎస్ అంది’ అనే శీర్షికతో జగత్ దేశాయ్ తన ఇన్స్టాగ్రామ్ ఖాతాలో షేర్ చేసాడు. దాంతో ఒక్కసారిగా వైరల్ అయ్యింది.
